पुणे (वृत्तसंस्था) एकनाथराव खडसे यांच्या राष्ट्रवादी प्रवेशाबाबत प्रदेशाध्यक्ष जयंत पाटील यांना विचारा, असे म्हणत खासदार सुप्रिया सुळे यांनी खडसेंच्या राष्ट्रवादी प्रवेशाबाबत बोलण्याचे टाळले आहे.
भाजपचे ज्येष्ठ नेते एकनाथ खडसे यांच्या संभाव्य राष्ट्रवादी प्रवेशाबद्दल दोन्ही पक्षातील नेते काहीही बोलायला तयार नाहीय. अगदी खडसे यांच्या प्रवेशाबद्दल मला काही माहिती नाही. जेवढी माझ्याकडे माहिती होती ती मी तुम्हाला दिली आहे, अशी प्रतिक्रिया उपमुख्यमंत्री अजित पवार यांनी दिली होती. तर आधी भाजप खासदार प्रीतम मुंडे यांनी खडसेकाकांच्या पक्षांतराचा चेंडू त्यांच्या सूनबाई – खासदार रक्षा खडसेंकडे टोलवला होता. तर आता एकनाथराव खडसे यांच्या राष्ट्रवादी प्रवेशाबाबत प्रदेशाध्यक्ष जयंत पाटील यांना विचारा, असे म्हणत खासदार सुप्रिया सुळे यांनी खडसेंच्या राष्ट्रवादी प्रवेशाबाबत बोलण्याचे टाळले आहे.
