जळगाव (प्रतिनिधी) – शहरातील औद्योगिक वसाहत परिसरात एफ सेक्टरमधील रायला इंडस्ट्रीज यासह सुविधा सेल्स कुलर्स व अस्तित्व प्लास्ट कुलर मटेरियल या कंपनंना आग लागली. यामध्ये चटई बनविण्याचे दाणे व कुलरर्स बनविण्याचे साहित्य जळून मोठे नुकसान झाले. सुदैवाने यात कोणालाही दुखापत झाली नाही. ही घटना शनिवार दि. २३ मे रात्री ११ वाजेच्या सुमारास घडली.
शहरातील एमआयडीसी परिसरातील एफ सेक्टरमध्ये रायला इंडस्ट्री ही चटईचे दाणे तयार करणारी कंपनीसह सुविधा सेल्स कुलर्स व अस्तित्व प्लास्ट कुलर मटेरियल या कंपनीला आहे. या कंपनीत रात्री अचानक आग लागली. धूर व आगीचे लोळ दिसू लागल्याने नागरिकांनी अग्निशमन दलाला माहिती दिली. त्यावेळी दोन बंम घटनास्थळी दाखल झाले व आग विझविण्यात आली. घटनास्थळी एमआयडीसी पोलिस ठाण्याचे उपनिरीक्षक राहुल तायडे व त्यांचे सहकारी
पोहोचले. त्यांनी गर्दी बाजूला सावरत मदत कार्य सुरु केले. शनिवार असल्याने कंपनीला सुट्टी होती, त्यामुळे कोणालाही दुखापत झाली नाही. वाढते तापमान व उष्णता यामुळे ही आग लागली असावी असा अंदाज व्यक्त केला जात आहे.
आगीत लाखो रुपयांचे नुकसान
आगीची माहिती मिळताच महापालिकेच्या अग्निशमन विभागाचे बंब घटनास्थळी दाखल झाले. दरम्यान, चालक अजय पाटील, युसूफ पटेल, फायरमन पंकज पाटील, लखन माळी, इक्बाल तडवी, पन्नालाल सोनवणे, विठ्ठल पाटील व तेजस बडगुजर यांच्या पथकाने आगीवर नियंत्रण मिळवले. दरम्यान, आगीत तिघ कंपनीतील साहित्य जळून लाखो रुपयांचे नुकसान झाले आहे.
