धरणगाव (प्रतिनिधी) राष्ट्रीय क्रीडा दिनाचे औचित्य साधून विकल्प ऑर्गनायझेशन, धरणगाव या बहुउद्देशिय संस्थेच्या माध्यमातून माजी खेळाडू व क्रीडा शिक्षकांचा सन्मान पालकमंत्री ना. गुलाबराव पाटील यांच्या हस्ते उद्या दि. २९ ऑगस्ट रोजी होणार आहे.
राष्ट्रीय क्रीडा दिनाचे औचित्य साधून विकल्प ऑर्गनायझेशन, धरणगाव या बहुउद्देशिय संस्थेच्या माध्यमातून या वर्षापासून क्रीडा दिवस अनोख्या पद्धतीने साजरा करण्याचे योजिले आहे. ज्यांनी सन १९९०-२००० या कालावधीत राज्य वा राष्ट्रीय स्तरावर क्रीडा क्षेत्रात धरणगाव शहराचे नाव उंचावले. अशा माजी खेळाडूंचा व या खेळाडूंना बहुमोल मार्गदर्शन करणाऱ्या माजी आजी क्रीडा शिक्षकांचा सन्मान सोहळा पालकमंत्री ना. गुलाबराव पाटील, क्रीडा महासंघाचे वरिष्ठ सहसचिव राजेश जाधव, आंतरराष्ट्रीय डॉजबॉल खेळाडू विराज कावडीया यांच्या हस्ते होणार आहे.
याप्रसंगी निलेश चौधरी, (लोकनियुक्त नगराध्यक्ष, धरणगाव), डी.जी. पाटील (प्रदेश सचिव, काँग्रेस महाराष्ट्र), डि. आर पाटील (व्यवस्थापन परिषद सदस्य उ.म.वि. जळगाव), कैलास माळी (भाजपा, गटनेते ध.न.प.), आर. एन. महाजन (सदस्य, अ.भा. समरसता मंच), गुलाबराव वाघ (शिवसेना सहसंपर्क प्रमुख, जळगाव लोकसभा), पुष्पाताई महाजन, (माजी नगराध्यक्षा, ध.न.प.), दिपक वाघमारे (उपजिल्हाध्यक्ष रा.काँ.पार्टी) आदी उपस्थित राहणार आहेत.
