जळगाव (प्रतिनिधी) टोळीने गुन्हे करणाऱ्या तीन जणांसह कारवाई करूनही वर्तणुकीत सुधारणा होत नसल्याने कासोदा पोलिस ठाण्याच्या हद्दीतील एक जण अशा एकूण चार जणांना जिल्ह्यातून हद्दपार करण्यात आले. तसे आदेश पोलिस अधीक्षक एम. राजकुमार यांनी काढले आहेत.
जळगाव तालुक्यातील नशिराबाद पोलिस ठाण्याच्या हद्दीतील टोळी प्रमुख शेख मुश्ताक शेख मुसा कुरेशी (वय ४२), टोळी – सदस्य आरिफ शेख तस्लीम खान (वय २४), असलम खान अयाज खान (वय ३०) सर्व रा. कुरेशी मोहल्ला हे टोळीने गुन्हे करीत होते. त्यांच्याविरुद्ध नशिराबाद, एमआयडीसी, जामनेर, भुसावळ बाजारपेठ, पहूर, चाळीसगाव शहर, नशिराबाद व चाळीसगाव रेल्वे पोलिस ठाण्यात एकूण आठ गंभीर गुन्हे दाखल आहेत. या तिघांनी अनेक गुन्हे टोळीने केले असून त्यांच्या हद्दपारीचा प्रस्ताव सादर केला होता. त्यानुसार पोलिस अधीक्षक एम. राजकुमार यांनी या गुन्हेगारांना जिल्ह्यातून हद्दपार करण्याचे आदेश दिले.
वर्तवणुकीत सुधारणा होत नसल्याने केले हद्दपार !
या टोळीसोबत कासोदा पोलिस ठाण्याच्या हद्दीतील अमीन हुसेन शेख (रा. उत्राण, ता. एरंडोल) याच्याविरुद्ध चार गंभीर गुन्हे दाखल आहेत. तसेच त्याच्याविरुद्ध दोनवेळा प्रतिबंधक कारवाई करण्यात आली आहे. मात्र तरी देखील त्याच्या वर्तनात सुधारणा होत नसल्याने त्याला जिल्ह्यातून हद्दपार करण्यात आले आहे.
या पथकाने केली कारवाई !
चौघ सराईत रेकॉर्डवरील गुन्हेगारांना हद्दपार प्रस्तावाचे कामकाज स्थानिक गुन्हे शाखेचे वरिष्ट पोलिस निरीक्षक किसन नजन पाटील यांच्या मार्गदर्शनाखाली सहायक फौजदार युनूस शेख इब्राहिम, पोहेकॉ सुनील दामोदरे, जयंत चौधरी, पोकॉ ईश्वर पाटील यांनी केली.
