जळगाव (प्रतिनिधी) आसोदा रेल्वेउड्डाण पुलावर चारचाकी वाहनाने दिलेल्या धडकत दुचाकीस्वार जखमी झाल्याची घटना २५ सप्टेंबर रोजी सायंकाळी ५.३० वाजता घडली आहे. याप्रकरणी शुक्रवारी २७ सप्टेंबर रोजी सायंकाळी ६.३० वाजता शनीपेठ पोलीस ठाण्यात चारचाकी वाहन चालकावर गुन्हा दाखल करण्यात आला आहे.
हेमराज ज्ञानेश्वर सोनवणे (वय-२७, रा. देऊळवादे ता. जळगाव) हा तरुण २५ सप्टेंबर रोजी सायंकाळी ५.३० वाजता जळगावकडून देऊळवाडे येथे जाण्यासाठी दुचाकी (एमएच १९ डीडी ४२९) ने जात असताना आसोदा रेल्वेउड्डाण पुलावर समोरून येणारी चारचाकी वाहन क्रमांक (एमएच १९ सीएफ १७७९) जोरदार धडक दिली. या धडकेत हेमराज सोनवणे हे जखमी झाले. त्यांना जळगाव येथील खाजगी रुग्णालयात उपचारासाठी दाखल करण्यात आले. यासंदर्भात शुक्रवारी २७ सप्टेंबर रोजी सायंकाळी ६.३० वाजता चारचाकी वाहनावरील चालक लोकेश सुनील पाटील रा.आसोदा तालुका जळगाव याच्या विरोधात शनीपेठ पोलीस ठाण्यात गुन्हा दाखल करण्यात आला आहे. पुढील तपास पोलीस नाईक माधव शिंदे करीत आहे.
