एरंडोल (प्रतिनिधी) लग्न लावून देण्याची नावाखाली एरंडोल येथील तरुणाची १ लाख रोख रक्कम घेऊन फसवणूक करण्यात आली. याप्रकरणी एरंडोल पोलीस स्थानकात तिघांविरुद्ध गुन्हा दाखल करण्यात आला आहे.
यासंदर्भात रामदास धनगर चौधरी (वय ६०, रा. एरंडोल) यांनी दिलेल्या फिर्यादीनुसार, दि. १० एप्रिल २०२२ ते २५ मे २०२२ पावेतो वच्छला तुकाराम चौधरी (वय ६०, रा. आझाद चौक पारोळा), पंचम भैय्यालाल नगरे (वय ५० रा. धामनेवाडा ता. गोंदिया), अपेक्षा सुरेश परघरमोर (वय २७ रा. वाडी नागपूर) यांनी आपसात संगनमत करुन रामदास चौधरी मुलगा दिपक रामदास चौधरी याचे लग्न करण्याचा बहाना केला. तसेच वच्छलाबाई चौधरी यांनी रामदास चौधरी यांच्याकडून एरंडोल येथे त्यांच्या राहते घरी येवुन १ लाख रुपये घेऊन त्यांच्या मुलासोबत अपेक्षा परघरमोर हिचे लग्न न लावता सर्वजन पळुन जावुन फसवणुक केली. याप्रकरणी एरंडोल पोलीस स्थानकात तिघांविरुद्ध गुन्हा दाखल करण्यात आला आहे. तसेच पुढील तपास पोहेकॉ अनिल पाटील हे करीत आहेत.
