पाचोरा (प्रतिनिधी) तालुक्यातील पिंपळगाव हरेश्वर येथील २७ वर्षीय तरुणास ऑनलाईनच्या माध्यमातून ८५ हजार ५०० रुपयाचा गंडा घातल्याची घटना घडली आहे. या प्रकरणी पिंपळगाव हरेश्वर पोलिसात एका मोबाईल नंबर धारका विरोधात गुन्हा दाखल करण्यात आला आहे.
सविस्तर वृत्त असे की, तालुक्यातील पिंपळगाव हरेश्वर येथील २७ वर्षीय तरुण शुभम रविद्र पाटील हा ऑनलाईनच्या माध्यमातून ट्रेडिंग करीत असताना त्याने युपीआयद्वारे ८५ हजार ५०० रुपये ९९०७४०८१३५ या मोबाईल धारकाला टाकले. परंतु त्याने परत देण्यास नकार दिल्याने तरुणाची फसवणूक झाली. या प्रकरणी पिंपळगाव हरे.पोलिसात तरुणाने दिलेल्या फिर्यादीवरून गुन्हा दाखल करण्यात आला असून पुढील तपास पो.ना.शैलेश चव्हाण हे करीत आहेत.
