जालना (वृत्तसंस्था) बदली झाल्यानंतर कार्यमुक्त होऊनही जाता-जाता पैशांचा मोह नडला आणि ३ हजाराची लाच घेताना भोकरदन तहसील कार्यालयातील महसूल सहायकास तीन हजार रुपयांची लाच घेताना लाचलुचपत प्रतिबंधक विभागाच्या पथकाने बुधवारी पकडले. श्रीकृष्ण अशोक बकाल (वय 32, पद – महसुल सहाय्यक, तहसील कार्याल, भोकरदन. रा. शिंगणे नगर, देऊळगाव राजा, जि. बुलढाणा) असे संशयित आरोपीचे नाव आहे.
या संदर्भात अधिक असे की, भोकरदन तहसील कार्यालयातील महसूल सहायकास म्हणून श्रीकृष्ण बकाल हे कार्यरत होते. परंतू त्यांची नुकतीच जाफराबाद येथे नुकतीच बदली झाली होती. ते बुधवारी भोकरदन तहसील कार्यालयालयातून कार्यमुक्त झाले होते. याच काळात एका तक्रारदाराच्या नातेवाईक असलेल्या चार व्यक्तींना भिल्ल तडवी जातीचे प्रमाणपत्र काढायचे होते. हे प्रमाणपत्र पाठविण्यासाठी भोकरदन तहसील कार्यालयातील महसूल सहायक श्रीकृष्ण बकाल याने प्रत्येकी ३०० रुपयांप्रमाणे एक हजार २०० रुपये व यापूर्वी पाठविलेल्या आठ फाईलींचा मोबदला म्हणून २ हजार ४०० रुपये असे एकूण तीन हजार ६०० रुपयांच्या लाचेची मागणी केली.
तक्रारदाराला लाच देण्याची इच्छा नसल्याने त्याने याची तक्रार जालना येथील लाचलुचपत प्रतिबंधक विभागाकडे केली. पथकाने सापळा रचून महसूल सहायक श्रीकृष्ण बकाल यांना तडजोडीअंती तीन हजार रुपयांची लाच स्वीकारतांना रंगेहात पकडले. ही कारवाई लाचलुचपत प्रतिबंधक विभागाचे पोलिस अधीक्षक संदीप आटोळे, अपर पोलिस अधीक्षक विशाल खांबे, पोलिस उपअधीक्षक किरण बिडवे, पोलिस निरीक्षक एस. एस. शेख, पोलिस कर्मचारी गणेश चेके, गणेश बुजाडे, जावेद शेख, जमदाडे, चालक सुभाष नागरे आदींनी केली आहे.
