चोपडा (प्रतिनिधी) येथील ग्रामीण पोलीस स्टेशनअंतर्गत असलेल्या मालापूर शिवारातील शेतात गांजाची लागवड केली असल्याचे उघडकीस आले. पोलिसांनी छापा मारून 750 किलोग्रॅमचा गांजा म्हणजे 45 लाखांचा गांजा जप्त केला आहे. दरम्यान, आरोपी फरार झाला असून चोपडा ग्रामीण पोलीस ठाण्यात गुन्ह्याची नोंद करण्यात आली आहे.
सविस्तर वृत्त असे की, चोपडा ग्रामीण पोलीस स्टेशन अंतर्गत असलेल्या मालापूर शिवारात नाबार्डच्या कंपार्टमेंट 211 च्या असलेल्या शेतात गांजाची लागवड केलेली असल्याची गुप्त माहिती पोलिसांना मिळाली होती. दिनांक 6 रोजी साडेअकरा वाजेच्या सुमारास चोपडा ग्रामीणचे पोलीस निरीक्षक कावेरी कमलाकर व यांची टीम गेली असता यांना सदरील शेतात गांजाची शेती करत असल्याचे दिसले. या कारवाईत 750 किलोग्रॅमचे ओला गांजा आढळला त्याची किंमत जवळपास 45 लाख रुपयांच्या गांजा पोलिसांनी जप्त केला आहे. आरोपी रुमल्या चेचऱ्या पावरा (रा. डॅडीया पाडा ता. चोपडा, यांच्या शेतात गांजाची शेती आढळून आली. दरम्यान, पोलीस आल्याचे समजताच आरोपी हा फरार होण्यात यशस्वी झाला. याबाबत पोलीस हेडकॉन्स्टेबल चेतन सुरेश पाटील यांच्या फिर्यादीवरून आरोपी -रुमाल्या चेचऱ्या पावरा यांच्या विरुद्ध गुन्हा नोंद करण्यात आला आहे. तसेच उपविभागीय पोलीस अधिकारी अण्णासाहेब घोलप यांच्या मार्गदर्शनाखाली पोलीस निरीक्षक कावेरी कमलाकर यांनी कारवाई केली. पुढील तपास उप पोलीस निरीक्षक शेषराव नितनवरे व पो.हे.कॉ. गणेश मधुकर पाटील करीत आहे.
