जळगाव (प्रतिनिधी) शहरात रेमेडीसीवरचा काळा बाजार फार मोठ्या प्रमाणात सुरूच आहे. तसेच हा काळा बाजार थांबविण्यासाठी जनरल प्रॅक्टिशनरला इंजेक्शन देण्याची परवानगी द्या, अशी मागणी जळगाव जिल्हा मानियार बिरादरीचे अध्यक्ष फारुख शेख अब्दुल्ला यांनी निवेदनाद्वारे जिल्हाधिकारी अभिजित राऊत यांच्याकडे केली आहे.
मानियार बिरादरीचे अध्यक्ष फारुख शेख अब्दुल्ला यांनी निवेदनात म्हंटले आहे की, दि. २२ मार्च रोजी जे आदेश दिले आहेत. त्यातील मुद्दा क्रमांक २ याच्यात स्पष्टपणे नमूद आहे की, एच आर सि टी मध्ये आठ ते पंधरा इतकी त्रीवता असणारा मूल्यमापन असेल व त्यास दुसरा कोणता आजार नसल्यास तसेच रुग्णास ऑक्सिजनची गरज भासत नसली तर रुग्णावर रेमेडीसीवर इंजेक्शन क्लीनिकल जजमेंट आणि प्रोटोकॉलनुसार वेळीच उपचार करण्यात यावे, तसेच इंजेक्शन देऊन निरीक्षणाखाली ठेवून आयसोलेशन केलेल्या ठिकाणाहून ने आण करावी.
आपले आदेश स्पष्ट आहे. परंतु पुष्कळसे जनरल प्रॅक्टिशनर हे रुग्णांना आवश्यक ते औषधोपचार करून कोविड टेस्ट सुद्धा करीत आहे. त्या टेस्टमध्ये जर रुग्ण पॉझिटिव्ह-निगेटिव्ह आढळून आल्यास तसेच स्कॅनमध्ये तिची त्रिवता ८ ते १५ चे मूल्यांकनमध्ये आल्यावर, तसेच रुग्णांना इतर आजार नसल्यास व त्यास कृत्रिम श्वासोश्वासची गरज नाही. म्हणून रुग्णांना रेमेडीसीवर इंजेक्शन घेण्याचा सल्ला जनरल प्रॅक्टिशनर देत आहेत. जनरल प्रॅक्टिशनरचे प्रिस्क्रिप्शनवर मेडिकल स्टोर हे रेमेडीसीवर इंजेक्शन देत नाही व तेथूनच काळ्या बाजाराला सुरुवात होत आहे. जळगाव शहरातील नव्हे तर जिल्ह्यातील जनरल प्रॅक्टिशनर हे काळ्या बाजाराने रेमेडीसीवर विकत आणून स्वतः पेशंटला पुरवीत आहे किंवा त्याला घेण्यास भाग पाडीत आहे म्हणून आजही रेमेडीसीवर इंजेक्शन २ ते ५ हजार रुपये पर्यंत विकले जात आहे. हा प्रकार सर्रासपणे खासगी रुग्णालयात सुरू आहे.
जळगाव जिल्हा मानियार बिरादरीचे अध्यक्ष फारुख शेख अब्दुल्ला यांनी दिलेल्या विनंती वजा सूचना आहेत खलील प्रमाणे
१) रेमेडीसीवर इंजेक्शन देण्याची परवानगी जनरल प्रॅक्टिशनर यांना सुद्धा देण्यात यावी तसेच त्यांच्या प्रिस्क्रिप्शनवर मेडिकल स्टोर वाल्यांनी ते इंजेक्शन देणे आवश्यक आहे.
२) खाजगी दवाखान्यात (परवानगी व विनापरवानगी) असलेल्या मेडिकल स्टोअर मधून रेमेडीसीवर इंजेक्शन १२०० रुपयातच विकले जावे व जो कोणी त्याठिकाणी जास्तीचे बिल आकारात असेल त्यांच्यावर त्वरित गुन्हा दाखल करण्यात यावा.
३) शहरात व ग्रामीण भागात जनरल प्रॅक्टिशनर हे रुग्णांचे सर्वतोपरी औषधोपचार करीत आहे. पण रेमेडीसीवर इंजेक्शन देता येत नसल्याने अथवा त्यांना मिळत नसल्याने रुग्ण गंभीर अवस्थेत येत आहे. व त्याअवस्थेत रुग्णास शासकीय रुग्णालय जळगाव येथे पाठवले जात असल्याने मृत्यू दरामध्ये मोठ्या प्रमाणात वाढ झालेली आहे.
तसेच जनरल प्रॅक्टिशनरला तज्ञ डॉक्टरांच्या मार्गदर्शनाखाली काही अटी व शर्तीसह दि. २१ मार्च २२ च्या आदेशाचे पालन करण्यासाठी एक वैद्यकीय आचारसंहिता तयार करून ती प्रसिद्ध करण्यात यावी, असी मागणी फारुख शेख अब्दुल्ला यांनी केली आहे.
