जळगाव (प्रतिनिधी) तुझा भाऊ बिल्डरशीपचा व्यवसाय करतो. तू देखील आता कपाशी व गहु विकलेला आहे. तुमच्याकडे पैसे जास्त आहेत. त्यामुळे आम्हाला पैसे द्या अन्यथा तुझ्या भावाला विदगावच्या भरचौकात गोळ्या घालू, अशी धमकी देत खंडणी मागितल्या प्रकरणी जळगाव तालुका पोलिसात दोघांविरुद्ध गुन्हा दाखल करण्यात आला आहे. अनिल उर्फ बंडु भानुदास कोळी, सचिन रतन सोनवणे (सर्व रा .विदगाव ता.जि.जळगाव), असे संशयित आरोपीचे नाव आहे.
या संदर्भात अधिक असे की, भगवान कोळी (वय ४३) हे विदगाव येथे परिवारासह वास्तव्यास असून ते शेती करून कुटुंबाचा उदरनिर्वाह करतात. दि. ९ एप्रिल रोजी १.१० वाजेच्या सुमारास भगवान कोळी हे घरी असतांना आरोपा अनिल उर्फ बंडु भानुदास कोळी आणि सचिन रतन सोनवणे यांनी अनधीकृतपणे घरात प्रवेश केला. त्यानंतर भगवान कोळी यांना म्हटले की, तुझा भाऊ बिल्डरशीपचा व्यवसाय करतो. तू देखील आता कपाशी व गहु विकलेला आहे. तुमच्याकडे पैसे जास्त आहेत. तुझा भाऊ जनार्दन कोळी हा अंगात सोने घालून फिरतो. आम्ही त्याला एखादवेळी बंदुकीच्या गोळ्या घालून जिवे ठार मारुन त्याचे आंगावरील सोने लुटू. त्यापेक्षा तुला जर तुझा भाऊ प्रिय असेल तर दोन दिवसाचे आत आम्हाला दोन लाख रुपये दे. नाहीतर त्याचा विदगाव येथे भरचौकात गोळ्या घालून खुन करु, असे म्हणत अश्लील शिवीगाळ केली. एवढेच नव्हे तर आम्ही आताच एका दरोड्याच्या गुन्ह्यातुन जेलमधून सुटून आले आहोत. आमचे कोणीही काहीही करु शकत नाही, अशी धमकी देऊन शिवीगाळ व धक्काबुक्की करुन भगवान कोळी यांच्याकडे पैशांची मागणी केली. याप्रकरणी अनिल उर्फ बंडु भानुदास कोळी २) सचिन रतन सोनवणे या दोघांविरुद्ध खंडणीचा गुन्हा दाखल करण्यात आला असून पुढील तपास पोहेकौं वासुदेव मराठे हे करीत आहेत.
