नवी दिल्ली (वृत्तसंस्था) उच्चांक गाठलेल्या सोन्याचे आज गुढीपाडव्याच्या शुभमुहूर्तावर दर घसरले आहेत. परंतू साडेतीन मुहूर्तांपैकी एक असलेल्या गुढीपाडवा सणाच्या मुहूर्तावर सोने-चांदीची खरेदीतून कोटींवधीच्या उलाढाल होण्याची शक्यता आहे. दरम्यान, सोन्याची विक्री आतापर्यंतच्या उच्चांकापेक्षा २९१ रुपये प्रति १० ग्रॅमने स्वस्त झाले आहे.
या व्यावसायिक आठवड्याच्या पहिल्या दोन सोमवारी सोन्या-चांदीच्या दरात मोठी उसळी बघावयास मिळाली. यानंतर देशात प्रथमच सोन्याने ५९,००० रुपये प्रति १० ग्रॅमचा टप्पा पार केला आहे. मात्र, मंगळवारी सोन्याच्या दरात थोडीशी घसरण नोंदवण्यात आली. आज बुधवारी सकाळीदेखील सोन्याच्या भावात घसरण झाली. या तेजीनंतर २४ कॅरेट सोने २९१ रुपयांनी स्वस्त होऊन ५९,१८८ रुपयांवर, २३ कॅरेट सोने २९० रुपयांनी स्वस्त होऊन ५८,९५१ रुपयांवर, २२ कॅरेट सोने २६७ रुपयांनी स्वस्त होऊन ५४,२१६ रुपयांवर, १८ कॅरेट सोने २१८ रुपयांनी स्वस्त झाले.४४,३९१ आणि १४ कॅरेट सोने सोने १७० रुपयांनी स्वस्त होऊन ३४,६२५ रुपये प्रति १० ग्रॅमवर व्यवहार होत आहे.
यानंतर सोन्याची विक्री आतापर्यंतच्या उच्चांकापेक्षा २९१ रुपये प्रति १० ग्रॅमने स्वस्त झाले आहे. याआधी सोन्याने २० मार्च २०२२ रोजी उच्चांक गाठला होता. त्या दिवशी सोन्याचा भाव ५९४७९ रुपये प्रति दहा ग्रॅम होता. तर चांदी अजूनही त्याच्या सर्वोच्च पातळीपेक्षा ११४८१ रुपये प्रति किलो दराने स्वस्त आहे. चांदीचा आतापर्यंतचा उच्चांक ७९९८० रुपये प्रति किलो आहे. दरम्यान, गुढीपाडवा सणाला मोठ्या प्रमाणात सोने-चांदीची खरेदी होऊन राज्यात अडीच ते तीन हजार कोटी रुपयांची उलाढाल होण्याचा अंदाज वर्तविला जात आहे. मुहूर्तावर भाव काहीही असो खरेदी मात्र जोरात होण्याचा अंदाज सुवर्ण व्यावसायिकांनी वर्तविला आहे.
