मुंबई (वृत्तसंस्था) गेल्या काही दिवसांपासून सोन्याच्या किंमतीत (gold prices) घसरण झाल्याचं पाहायला मिळत आहे. त्याचबरोबर चांदीच्या किंमतीतही (silver prices) घसरण होत आहे. आजही सोन्या-चांदीच्या दरात घसरण (Falling) दिसून आले आहे. सध्या २४ कॅरेट दहा ग्रॅम सोन्याची किंमत ४८ हजारांवर आलीय. तर, चांदी ६१ हजार १२३ रुपये प्रति किलोनं विकली जात आहे.
काय आहे आजचा भाव?
गेल्या काही दिवसांपासून सोन्या-चांदीच्या किंमतीत चढ-उतार पाहायला मिळालं. सोन्याचे दर आता ४८ हजार रुपयांपर्यंत खाली आले. गुड रिटर्न वेबसाईटनं दिलेल्या माहितीनुसार, चेन्नईत २२ कॅरेट सोन्याची किंमत ४८ हजार ९४० रुपये आहे. तर, मुंबईत २४ कॅरेट सोन्याची किंमत ४८ हजार १२० इतकी आहे. दिल्लीत सोन्याचा आजचा भाव प्रति दहा ग्रॅम ५० हजार ९९० इतका आहे आणि कोलकातामध्ये आज ४९ हजार ६४० रुपयांनी सोनं खरेदी केलं जात आहे.
सोन्याची शुद्धता कशी ओळखतात?
सोन्यावर हॉलमार्कचे चिन्ह आणि ९९९, ९१६, किंवा ८७५ असे अंक लिहलेले असतात. याच अंकावरून सोन्याची शुद्धता लक्षात येतं. हॉलमार्कच्या चिन्हाबरोबर ९९९ हा अंक असेल तर, सोने २४ कॅरेट असतं. ९९९ चा अर्थ असा आहे की, यामधील सोन्याची शुद्धता ९९.९ टक्के आहे. २३ कॅरेट सोन्यावर ९५८,२२ कॅरेट सोन्यावर ९१६, २१ कॅरेट सोन्यावर ८७५ तर, १८ कॅरेट सोन्यावर ७५० हे अंक असतात. सोनं जितकं जास्त कॅरेटचं तितकी त्याची गुणवत्ता चांगली. त्यामुळं त्याची किंमतही वाढत जाते. हॉलमार्क असणे ही सरकारी गॅरंटी असून ग्राहकांनी सोने खरेदी करताना त्यावर हॉलमार्क चिन्ह आहे का? याची तपासणी करावी आणि त्याची खरेदी करावी असं आवाहन केंद्रीय ग्राहक मंत्रालयाच्या वतीनं करण्यात आलंय.
