नवी दिल्ली (वृत्तसंस्था) देशातील सर्वात मोठी बँक असणाऱ्या स्टेट बँक ऑफ इंडियामध्ये नोकरी मिळवण्याची संधी आहे. SBI ने प्रोबेशनरी ऑफिसर पदांसाठी अर्ज मागवले आहेत. या पदांसाठी ऑनलाईन अर्ज सध्या सुरु झाले आहे आणि अर्ज करण्याची शेवटची तारीख २५ ऑक्टोबर आहे. या पदासाठी ऑनलाइन नोंदणी प्रक्रियेची संपूर्ण माहिती जाणून घ्या.
शैक्षणिक पात्रता
कोणत्याही मान्यताप्राप्त विद्यापीठातून कोणत्याही शाखेतील पदवी किंवा केंद्र सरकार द्वारे मान्यताप्राप्त समकक्ष पात्रता. जे पदवीच्या अंतिम वर्ष/सेमिस्टरमध्ये आहेत ते देखील या अटीचं पालन करून अर्ज करू शकतात. जेव्हा त्यांना मुलाखतीसाठी बोलावले जाईल, तोपर्यंत त्यांना ३१ डिसेंबर २०२१ रोजी किंवा त्यापूर्वी त्यांची पास झाल्याची ग्रॅज्युएशन डिग्री दाखवावी लागेल. IDD प्रमाणपत्र असणाऱ्यांना याची खात्री करून घेणे आवश्यक आहे की त्यांचे आयडीडी पास करण्याची तारीख ३१ डिसेंबर २०२१ किंवा त्यापूर्वीची आहे की नाही. चार्टड अकाउंटंट किंवा कॉस्ट अकाउंटंटची पात्रता असणारे उमेदवार देखील याकरता अर्ज करू शकतात.
वयाची मर्यादा?
१ एप्रिल २०२१ पर्यंत उमेदवाराचे वय २१ वर्षांपेक्षा कमी किंवा ३० वर्षांपेक्षा जास्त असता कामा नये. अर्थात उमेदवाराचा जन्म १ एप्रिल २००० नंतरचा आणि २ एप्रिल १९९१ पूर्वीचा असता कामा नये.
‘या’ तारखेला होणार परीक्षा
ऑनलाइन रजिस्ट्रेशन: ५ ते २५ ऑक्टोबर
फेज-I: ऑनलाइन प्राथमिक परीक्षा- नोव्हेबंर/डिसेंबर २०२१
फेज-II:ऑनलाइन मुख्य परीक्षा- डिसेंबर २०२१
फेज-III: मुलाखत (मुलाखत आणि ग्रुप एक्सरसाइज) – फेब्रुवारी २०२२ चा दुसरा/तिसरा आठवडा
असा करा अर्ज
उमेदवारांना केवळ ५ ऑक्टोबर ते २५ ऑक्टोबर दरम्यान ऑनलाइन अर्ज करता येईल. अर्ज करण्याची अन्य कोणतीही पद्धत विचारात घेतली जाणार नाही. उमेदवारांना बँकेची करिअर वेबासाइट https://bank.sbi/careers किंवा https://www.sbi.co.in/careers यावरून अर्ज करावा लागेल. नोंदणीनंतर उमेदवारांना डेबिट कार्ड/क्रेडिट कार्ड/ इंटरनेट बँकिंगचा वापर करून ऑनलाइन मोडने पेमेंट करावे लागेल.