धरणगाव (प्रतिनिधी) घर गहाण ठेवण्यासाठी माहेरून माहेरहून १ लाख रुपये आणण्याचा तगादा लावून एका विवाहितेच्या चारित्र्यावर संशय घेत तिचा वारंवार मानसिक आणि शारीरिक छळ करून मारहाण केल्याप्रकरणी धरणगाव पोलिसात पतीसह सासरच्या सहा जणांविरुद्ध गुन्हा दाखल करण्यात आला आहे.
याबाबत योगीता अशोक पाटील (वय २८, धंदा. घरकाम, गंगाधरा ता. बारडोली जि. सुरत, ह.मु. रा. पिंपळे बुद्रुक पोस्ट-साकरे ता. धरणगाव) यांनी फिर्याद दिली आहे. फिर्यादीत म्हटले आहे की, सासरच्या मंडळीकडून जिवितास धोका निर्माण झालेला आहे. पतीसह इतरानी माहेरून घर गहाण ठेवण्यासाठी रक्कम एक लाख आणावे म्हणून वेळोवेळी शारीरिक व मानसिक छळ करून माझा गांजपाठ केला. तसेच माझ्या चारित्रावर संशय घेत. पती अशोक पाटील यांनी माहेरी घरी येऊन घर गहाण ठेवण्यासाठी एक लाखाची मागणी केली. तसेच अश्लील शिवीगाळ करून जीवेठार मारण्याची धमकी देऊन फारकतीची मागणी केली. त्यानुसार पती- अशोक विश्वास पाटील २)सासु- सुशीलाबाई विश्वास पाटील (रा.पथराड ता. धरणगाव) ३)नंणद-उज्वला अर्जुन पाटील ४) नंदोई-अर्जुन गंगाराम पाटील गंगाधरा ता. बारडोली जि. सुरत ५) नणंद- सपना धिरज पाटील ६) नंदोई -धीरज कैलास पाटील रा. जतपूर बडोदा गुजरात यांच्याविरुद्ध गुन्हा दाखल करण्यात आला आहे. पुढील तपास स.फौ. करीम सयैद हे करीत आहेत.
