चोपडा (प्रतिनिधी) शहरातील पाटीलगढी येथील रहिवासी असलेल्या ३१ वर्षीय महिलेला सासरच्या मंडळींनी २ लाख रुपये माहेरून आणावे, यासाठी छळ केल्याप्रकरणी चोपडा शहर पोलिसात गुन्हा दाखल करण्यात आला आहे.
सविस्तर वृत्त असे की, शहरातील पाटीलगढी येथील रहिवासी असलेल्या ३१ वर्षीय महिला सोनल कैलास पारधी हिला नोकरी लावण्यासाठी तिच्या सासरचे मंडळी संशयित आरोपी कैलास रतिलाल पारधी, सासू – प्रमिलाबाई रतिलाल पारधी, जेठ भाऊसाहेब रतीलाल पारधी, जेठानी अनिताबाई पारधी, भैयासाहेब पारधी यांनी माहेरून २ लाख रुपये आणावे, अशी मागणी केली. या पैश्यासाठी नकार दिल्याने तिला मारहाण व शिवीगाळ करीत फारकत देण्याचीही धमकी सासरच्या मंडळीनी दिली आहे. याप्रकरणी महिलेने चोपडा शहर पोलीस स्थानक गाठत तक्रार केली आहे. पुढील तपास पो.ना.प्रमोद पाटील हे करीत आहेत.
