जळगाव (प्रतिनिधी) बीएचआर मल्टीस्टेट क्रेडिट कॉपरेटिव्ह सोसायटी येथील ठेवी मिळविणेबाबत मदत करावी, असे पत्र ठेवीदार हर्षद दत्तात्रय निकम यांनी माहिती अधिकार कार्यकर्ते दीपकुमार गुप्ता यांना लिहिले आहे.
हर्षद दत्तात्रय निकम (रा. ४६८, दत्तवाडी, पुणे ३०) यांनी दिलेल्या पत्रात म्हटले आहे की, मी माझ्या आईच्या नावे बीएचआर मल्टीस्टेट क्रेडिट कॉपरेटिव्ह सोसायटी यांच्या धायरी, पुणे येथील शाखेत २०१४ रोजी ८,५०,००० रुपये रक्कम १ वर्ष मुदत कालावधी करीता ठेवल्या. सदर मल्टीस्टेट क्रेडिट कॉपरेटिव्ह सोसायटीने पैशाचा अपव्यवहार केल्याच्या बातम्या मी न्यूज पेपरला २०१४ वाचली. त्या वर मी व माझी आई सुरेख निकम, आम्ही पैसे परत काढणे करीत बीएचआर मल्टीस्टेट क्रेडिट कॉपरेटिव्ह सोसायटी यांच्या धायरी, पुणे येथील शाखेत गेलो. शाखेने पैसे देण्यास इन्कार केला व आम्ही पोलीस चौकीत गेलो. बीएचआर मल्टीस्टेट क्रेडिट कॉपरेटिव्ह सोसायटी यांच्या विरोधात गुन्हा नोंद होणेस बराच कालावधी गेला व त्यांच्या सर्व शाखा बंद झाल्या. पुणे पोलीस आर्थिक गुन्हेशाखे कडून आमच्या अर्जाची दखल घेत गुन्हे नोंद करण्यात आली व बीएचआर मल्टीस्टेट क्रेडिट कॉपरेटिव्ह सोसायटी विरुद्ध गुन्हा नोंद होऊन कोर्ट केस झाली. आता आम्हाला दि. २६ ऑक्टोबर २०२१ रोजी जळगाव येथील एमपीआयडी कोर्ट येथे हजर राहण्याची समन्स कोर्टने गुन्हे शाखे मार्फत दिली आहे. मी माझ्या वडिलांचे त्यांच्या अपघाती निधन नंतर मिळालेले ग्रॅच्युटीची रक्कम बीएचआर मल्टीस्टेट क्रेडिट कॉपरेटिव्ह सोसायटी यांच्या धायरी, पुणे येथील शाखेत २०१४ रोजी ठेवले होते, पण अद्याप आम्हाला ते परत मिळाले नाहीत. तरी आपण मला माझ्या मुदत ठेवीच्या रक्कमा परत मिळणे बाबत सहकार्य करावे.
