धरणगाव (प्रतिनिधी) धरणगाव-चोपडा रोडवरील आयटीआयजवळ आज दुपारी वाळूचे डंपर आणि ट्रॅक्टरमध्ये झालेल्या भीषण अपघातात एक जण जखमी झाल्याचे वृत्त आहे.
या संदर्भात अधिक असे की धरणगाव ते चोपडा रोडवरील आयटीआय जवळ आज दुपारी तीन वाजेच्या सुमारास ओव्हरटेक करण्याच्या प्रयत्नात वाळूचे डंपर (क्र. MH 18 BZ – 0541) आणि ट्रॅक्टरचा (विना नंबर) यांच्यात भीषण अपघात झाला. हा अपघात एवढा भीषण होता की वाळूच्या ट्रॅक्टरचे पुढील दोघं चाक निखळून बाहेर पडली होती. या अपघातात एक जण जखमी झाला असून डंपर चालकाने स्वतःच त्याला जळगाव येथे उपचार्थ नेल्याची माहिती पोलीस सूत्रांनी दिली आहे. शेवटचे वृत्त ते आले तोपर्यंत या संदर्भात कुठलाही गुन्हा दाखल नव्हता. दरम्यान, डंपर आणि ट्रॅक्टर दोघही वाहनात वाळू भरून असल्याची माहिती प्रत्यक्षदर्शीनी दिली.
