जळगाव (प्रतिनिधी) अवैध वाळूने भरलेला डंपर कारवाईसाठी जिल्हाधिकारी कार्यालया येथे घेवून जात असतांना तलाठीला धक्का देऊन डंपर पळविल्याप्रकरणी दोघांविरुद्ध गुन्हा दाखल करण्यात आला आहे.
या संदर्भात अधिक असे की, राजू कडे बाऱ्हे (वय ४९, नोकरी, तलाठी मेहरूण, रा. श्रीधर नगर जळगाव) हे दि. १३ मार्च २०२२ रोजी रात्री ११ वाजेच्या च्या सुमारास आर. एस हॉस्पिटल जवळ जळगाव सार्वजनिक रोडवर कर्तव्यावर होते. यावेळी ते अवैध वाळूने भरलेला डंपर क्र. (एमएच-१९-सीवाय-४४१४) हे कारवाईसाठी जिल्हाधिकारी कार्यालयात घेवून जात होते. यावेळी डंपर मालक आनंद इंगळे व डंपर चालक सागर (पूर्ण नाव माहित नाही) यांनी शासकीय कामात अडथळा आणून तलाठी राजू बाऱ्हे यांना धक्का देत डंपर पळवून नेले. या प्रकरणी शासकीय कामात अडथळा आणल्याप्रकरणी जळगाव तालुका पोलीस स्थानकात गुन्हा दाखल कारण्यात आला असून पुढील तपास पो.उप निरी.गणेश सायकर हे करीत आहेत.
