चाळीसगाव प्रतिनिधी । चाळीसगाव शहरातील बसस्थानक आवारात गावठी पिस्तूल जवळ बाळगणाऱ्या संशयित आरोपीला शुक्रवारी १२ जुलै रोजी पहाटे ३ वाजता शहर पोलीसांनी अटक केली आहे. त्यांच्याकडून गावठी बनावटीचे पिस्तूल जप्त करण्यात आले. याप्रकरणी चाळीसगाव शहर पोलीस ठाण्यात गुन्हा दाखल करण्यात आला आहे.
चाळीसगाव शहर पोलीस ठाण्याचे पोलीस निरीक्षक संदीप पाटील यांच्या सुचनेनुसार ११ जुलै रोजी रात्री ११ ते १२ जुलै रोजी पहाटे ५ वाजेच्या सुमारास चाळीसगाव शहरात पोलीस कर्मचारी पेट्रोलींग करत असतांना पोकॉ समाधान पाटील , अमोल पाटील हे चाळीसगाव बसस्थानक आवारातील नियंत्रण कक्षासमोर एक तरूण संशयास्पद हालचाली करत असल्याचे दिसून आला. त्याला पोलीसांनी अटक केली. त्याने गणेश तुकाराम पवार वय २५ रा. बोरमाळी, पो. नागद, ता. कन्नड जि. छत्रपती संभाजी नगर असं सांगितले. त्यांची चौकशी केली असता त्यांच्याजवळ गावठी बनावटीचा पिस्तूल आढळून आला. त्याने उडवाउडवीची उत्तरे दिल्यानंतर पोलीसांनी अटक केली. त्याजवळील पिस्तूलही जप्त करण्यात आले. याप्रकरणी पोलीस कॉन्स्टेबल समाधान पाटील यांचे फिर्यादीवरून चाळीसगाव पोलीस ठाण्यात गुन्हा दाखल करण्यात आला. पुढील तपास पीएसआय माळी हे करीत आहे.
ही कारवाई पोउनि सुभाष पाटील, पोहेकॉ राहूल सोनवणे, पोहकॉ नितीश पाटील, पोना महेद्र पाटील, पोकॉ समाधान पाटील, अमोल पाटील, आशुतोष सोनवणे, विजय पाटील, राकेश महाजन, रविद्र बच्छे, पवन पाटील, मनोज चव्हाण यांनी केली आहे.
