धरणगाव (प्रतिनिधी) शिवसेना पक्षप्रमुख उध्दव ठाकरे, माजीमंत्री आदित्य ठाकरे व शिवसेनेच्या नेत्या रश्मी ठाकरे यांच्याविरोधात बेताल वक्तव्य करणारे शिंदे गटाचे रामदास कदम यांच्या प्रतिकात्मक पुतळ्यास जोडे मारून आंदोलन करण्यात आले. धरणगावात शिवसेनेने बुधवारी हे आंदोलन केले.
शहरातील शिवाजी महाराज यांच्या पुतळ्याजवळ आज सकाळी शिवसेनेचे सहसंपर्क प्रमुख गुलाबराव वाघ, जिल्हाप्रमुख विष्णू भंगाळे यांच्या नेतृत्वाखाली जोडेमारो आंदोलन करण्यात आले. रामदास कदम यांनी महाराष्ट्राची जाहीर माफी मागावी, अन्यथा संपूर्ण महाराष्ट्रभर याचा जाहीर निषेध म्हणून आक्रमक व उग्र आंदोलन झेडण्यात येईल, असा इशारा यावेळी देण्यात आला. यावेळी माजी नगराध्यक्ष निलेश चौधरी, शरद माळी, धीरेंद्र पुरेभे, सुरेश महाजन, राहुल रोकडे, विनोद रोकडे,कमलेश बोरसे, हेमंत महाजन यांच्यासह पदाधिकारी व शिवसैनिक उपस्थित होते.
