जळगाव (प्रतिनिधी) दुचाकीवरुन आलेल्या चोरट्यांनी रात्रीच्यावेळी रस्त्याने पायी जाणाऱ्या महिलेच्या गळ्यातून सोन्याची पोत लांबविली. ही घटना खोटे नगर ते गुजराल पेट्रोलपंच्या सर्विस रोडवर शुक्रवारी रात्रीच्या सुमारास घडली. याप्रकरणी तालुका पोलीस ठाण्यात गुन्हा दाखल करण्यात आला आहे.
पोलिसांनी शहरातील खोटे नगर परिसरात असलेल्या दत्त रेसिडेन्सीमध्ये सिमा युवराज पाटील या वास्तव्यास आहे. शुक्रवारी रात्री साडेनऊ वाजेच्या सुमारास त्या खोटे नगर ते गुजराल पेट्रोलपंपकडे जाणाऱ्या सर्विसरोडवरील मॉ प्लायवुर्ड या दुकानासमोरुन पायी जात होत्या. याचवेळी मागून काळ्या रंगाच्या दुचाकीवरुन आलेल्या दुचाकीस्वारांनी सीमा पाटील यांच्या गळ्यातील ३० हजार रुपयांची १५ ग्रॅम वजनाची सोन्याची पोत जबरीने चोरटे तेथून पसार झाले.
दरम्यान, महिलेने आरडाओरड केली परंतु तो पर्यंत चोरटे तेथून पसार झाले होते. याप्रकरणी सीमा पाटील यांनी शनिवारी सकाळी तालुका पोलिसात तक्रार दिली. त्यावरुन अज्ञात चोरट्यांविरुद्ध गुन्हा दाखल करण्यात आला आहे. पुढील तपास सहाय्यक पोलीस निरीक्षक अनंत अहिरे हे करीत आहे.