जळगाव (प्रतिनिधी) जामनेर कॉम्प्लेक्स घोटाळ्याप्रकरणी आपल्याकडे उपलब्ध असलेल्या कागदपत्रांसह आज आपण जळगावात आलेल्या समितीची भेट घेतली. यावेळी समिती सदस्यांसोबत आपण साधारण तासभर सविस्तर चर्चा केली असून या प्रकरणात आपल्याजवळ असलेली विविध कागदपत्र समितीकडे सोपविली असल्याची माहिती ॲड.विजय भास्करराव पाटील यांनी दिली आहे.
ॲड. विजय पाटील यांनी या प्रकरणात आपल्याला ज्या ज्या वेळी जे काही कागदोपत्री मदत लागेल ती मी तक्रारदार म्हणून आपल्याला केव्हाही करण्यास तयार असल्याचा शब्द समितीला दिला आहे.
समितीमध्ये आणखीन विशेष बांधकाम व महसूल क्षेत्रातील टेक्निकल अधिकाऱ्यांची नेमणूक करावी
सदर बांधकामाची परवानगी किती होती ? यावर एकूण बांधकाम किती झालेले आहे ? यात एकूण अतिक्रमण किती करण्यात आलेले आहे? याबाबत टेक्निकली बांधकाम क्षेत्राचे नॉलेज असलेला अधिकारी असणे अपेक्षित आहे. पण जामनेर नगरपालिकेचे किंवा जळगाव महानगरपालिकेचे अधिकारी यात घेण्यात येऊ नये अशी विनंती आपण समितीला केली आहे. कारण की जामनेर नगरपालिकेत गिरीश महाजन यांची सत्ता आहे व जळगाव महानगरपालिकेत तील विविध अधिकारी हे खटोड यांच्याशी संबंधित आहे व हे अधिकारी सदर समितीची दिशाभूल करू शकतात हे देखील आपण समितीच्या लक्षात आणून दिले. तसेच यामध्ये अजून महसूलचे देखील अधिकाऱ्यांची नेमणूक करण्यात यावी व सदर जमीन खरेदी करत असताना झालेल्या कागदपत्रांची चौकशी करण्यात यावी, अशी देखील मागणी ॲड. विजय पाटील यांनी यावेळी समितीला केली
येत्या दोन आठवड्यात जामनेर चात्या कॉम्प्लेक्सला व शाळेला स्पोर्ट विजीट
या समितीमध्ये आणखीन पाहिजे असलेल्या अधिकारी इत्यादींची नेमणूक करून येत्या दोन आठवड्यात जामनेरला स्पॉट व्हीजीट करणार असल्याचे देखील समितीने आपल्याला आश्वासन दिले आहे .
स्व.नरेंद्र अण्णांनी ज्या तीन समितीं सोबत कामकाज केले आहे त्याचा मी देखील साक्षीदार . . .
१) सुधाकर जोशी – जळगाव शहर नगरपालिका संदर्भात नेमण्यात आली होती. या कामकाजाविषयी स्व. नरेंद्र अण्णांसोबत मी देखील साक्षीदार होतो.
२) सावंत आयोग – जळगाव मनपा माजी नगरसेवक स्व. नरेंद्रअण्णा पाटील यांच्या तक्रारीवरून अण्णा हजारे यांनी आवाज उठवला होता व तक्रार केली होती याचे कामकाज शेतकी कॉलेज (कृषी महाविद्यालय) या ठिकाणी झाले होते यावेळी देखील मी उपस्थित होतो.
३) खाजामिया दंगल – याप्रकरणी जी चौकशी समिती नेमली गेली होती त्याचे कामकाज जळगाव रेस्ट हाऊसला चालत होते. यावेळी देखील स्व.अण्णांसोबत मी त्याचे कामकाज पाहिले आहे. यामुळे चौकशी समित्यांचे कामकाज कशा प्रकारे चालते याबाबत कायदेशीर व प्रॅक्टिकल नॉलेज मला असल्याचे ॲड. विजय पाटील म्हणाले.
यावेळी सहाय्यक आयुक्त व चौकशी समिती अध्यक्ष मनिषजी सांगळे व समिती सदस्य सचिव यांच्या सोबत चर्चा केली तसेच निवेदन दिले. यावेळी तक्रारदार ॲड. विजय भास्करराव पाटील, राष्ट्रवादी युवक काँग्रेसचे जिल्हाध्यक्ष तथा जिल्हा परिषद सदस्य रवींद्र नाना पाटील, माजी नगरसेवक अशोक लाडवंजारी, जिल्हा परिषद सदस्यपती रविंद्र देशमुख, जिल्हा सरचिटणीस अशोक पाटील, माजी नगर सेवक सुनील माळी, विद्यार्थी तालुका अध्यक्ष धवल पाटील, गोटु चौधरी आदी मंडळी उपस्थित होते.
