धरणगाव (प्रतिनिधी) विवाहितेस आत्महत्येस प्रवृत्त केल्याप्रकरणी धरणगाव पोलिसात पतीविरुद्ध गुन्हा दाखल करण्यात आला आहे. गोरख लोटन अंभोरे (वय-३१ वर्ष, रा. पिंपळे सिम ता. धरणगाव), असे अटक केलेल्या संशयित आरोपी पतीचे नाव आहे.
या संदर्भात मयत विवाहितेची आई संगिताबाई सुभाष काकडे (वय ४६ ह.मु.बांभोरी प्र.चा. ता. धरणगाव) यांनी पोलिसात फिर्याद दिली आहे. त्यानुसार मुलगी दिपाली गोरख अंभोरे (वय २८ वर्ष), हिला जावई गोरख लोटन अंभोरे याने लग्नाच्या २ वर्षांनतर वेळोवेळी दारुचे नशेत मारहाण करुन मानसिक व शाररीक त्रास दिला. या त्रासाला कंटाळून मुलीने राहत्या घराच्या छताला लोखंडी पाईपला ओढणी बांधून गळफास घेवून आत्महत्या केली होती.तिच्या मरणास जावई गोरख अंभोरे हाच जबाबदार, असल्याचे फिर्यादीत नमूद आहे, या प्रकरणी भादवि ३०६, ४९८ (अ)सह विविध कलमान्वये गुन्हा दाखल करण्यात आला असून पुढील तपास सपोनि जिभाऊ पाटील हे करीत आहेत. दरम्यान, पोलिसांनी संशयित आरोपीला अटक केली आहे.
