जळगाव (प्रतिनिधी) एका महिला कर्मचारीच्या फेसबुकवर अश्लिल मॅसेज पाठवल्या प्रकरणी जळगाव डेपो आगर येथील सहाय्यक यांत्रिक कर्मचारीविरुद्ध जिल्हापेठ पोलिसात विनयभंगचा गुन्हा दाखल करण्यात आला आहे.
या संदर्भात अधिक असे की, पिडीत महिला कर्मचारीला दि. १९ डिसेंबर रोजी १० ते १०:४३ वाजेच्या दरम्यान, जळगाव डेपो आगर येथील सहाय्यक यांत्रिक विजय पी. पाटील (रा.खोटे नगर, जळगाव) याने फेसबुकवर अश्लिल मॅसेज पाठवून मनास लज्जा उत्पन्न होईल, असे कृत्य केले. यानंतर पिडीतेने पोलीस स्थानक गाठत तक्रार दिली. त्यानुसार विजय पाटील यांच्याविरुद्ध विनयभंगचा गुन्हा दाखल करण्यात आला असून पुढील तपास पो.ना. राजेश पदमर हे करीत आहेत.
