चंदीगड (वृत्तसंस्था) पंजाबच्या मोगा येथे रात्री १ वाजण्याच्या सुमारास भारतीय हवाई दलाचे लढाऊ विमान मिग-२१ क्रॅश झाले. प्रशिक्षणासाठी पायलट अभिनव यांनी राजस्थानच्या सूरतगडहून मिग-२१ ने उड्डाण घेतले होते. या दरम्यान पश्चिम क्षेत्रात ते कोसळले. या अपघातामध्ये पायलट अभिनव चौधरी यांचा मृत्यू झाला आहे.
मोगा मधील बागपुराणा या गावी लंगियाना खुर्द जवळ रात्री १ वाजण्याच्या सुमारास लढाऊ विमान मिग-२१ चा अपघात झाला. माहिती मिळताच प्रशासन आणि सैन्याच्या वरिष्ठ अधिकाऱ्यांनी घटनास्थळावरुन बरीच मेहनत घेतल्यानंतर पायलटचा मृतदेह बाहेर काढला, अशी माहिती भारतीय हवाई दलातील अधिकाऱ्यांनी दिली आहे.
पायलट, स्क्वॉड्रन लीडर अभिनव चौधरी यांचा या अपघातात मृत्यू झाल्यामुळे आयएएफने या शोक व्यक्त केला. तसेच भारतीय हवाई दलाच्या विमानाच्या अपघाताचे कारण शोधण्यासाठी कोर्टाने चौकशीचे आदेश दिले आहेत.
