मुंबई (वृत्तसंस्था) आजपासून 14.2 किलोच्या घरगुती एलपीजी सिलेंडरच्या (Domestic LPG Cylinder Price) किंमतीत 50 रुपयांनी वाढ करण्यात आली आहे. त्यानुसार आता घरगुती एलपीजी सिलेंडरची किंमत 1020 रुपये असणार आहे. यानिमित्ताने महागाईने पुन्हा एकदा जनतेला मोठा झटका दिला आहे.
मे महिन्याच्या सुरुवातीला व्यावसायिक एलपीजी सिलेंडरच्या किमतीतही वाढ करण्यात आली होती. तेल कंपन्यांनी 1 मे रोजी 19 किलोच्या व्यावसायिक एलपीजी सिलेंडरची किंमत 102.50 रुपयांनी वाढवून 2355.50 रुपयांवर पोहोचली. यापूर्वी व्यावसायिक एलपीजी सिलेंडरची किंमत 2253 रुपये होती. तर घरगुती गॅस सिलेंडरच्या आधीची किंमत प्रति सिलेंडर 970.50 रुपये इतकी होती. आजपासून एलपीजी सिलेंडरची वाढलेली नवी किंमत संपूर्ण देशभरात लागू करण्यात आली आहे. याआधी 22 मार्च रोजी घरगुती घरगुती सिलेंडरच्या किंमतीत प्रति सिलेंडर 50 रुपयांनी वाढ करण्यात आली होती. त्यानंतर अनुदानित 14.2 किलो एलपीजी सिलेंडरची किंमत 949.50 रुपयांवर पोहोचली होती.
