नवी दिल्ली (वृत्तसंस्था) ऐन सणासुदीच्या काळात महागाईचा भडका होत चालला आहे. महागाईमुळे सर्वजण त्रस्त आहेत. गेल्या काही दिवसांपासून इंधन दरवाढीचे सत्र सुरु आहे अशामध्ये सर्वांना आणखी एक झटका मिळाला आहे. एलपीजी गॅस सिलेंडरच्या दरात २६५ रुपयांनी वाढ करण्यात आली आहे. ही वाढ फक्त व्यावसायिक एलपीजी गॅस सिलेंडरमध्ये झाली आहे. त्यामुळे सर्वसामान्यांना दिलासा मिळाला आहे
या नव्या दरांमुळे व्यावसायिक वापराचा १९ किलोच्या एलपीजी सिलेंडरची किंमत १७३६.५ रुपयांवरुन २०००.५ रुपये इतकी झाली आहे. पेट्रोलियम कंपन्यांनी घरगुती वापरासाठीच्या १४.२ किलो विनाअनुदानित एलपीजी सिलेंडरच्या किमतीत वाढ केलेली नाही. त्यामुळे त्यांची दरवाढ झालेली नाही. दिल्लीत १४.२ किलोच्या विनाअनुदानित एलपीजी सिलेंडरची किंमत ८९९.५० रुपयांवर कायम आहे. गेल्या महिन्यात पेट्रोलियम कंपन्यांनी विनाअनुदानित १४.२ किलोच्या सिलेंडरची किंमत १५ रुपयांनी वाढवली होती. दरम्यान, कच्च्या तेलाच्या वाढत्या किमती पाहता यावेळी एलपीजी सिलेंडरची किंमत १००० रुपयांच्या पुढे जाण्याची भीती व्यक्त केली जात होती.
घरगुती गॅस सिलेंडरचा भाव किती?
दिल्लीत आता अनुदानाशिवाय १४.२ किलोच्या सिलेंडरची किंमत ८९९.५० रुपये आहे. कोलकातामध्ये एलपीजी सिलिंडरची किंमत ९२६ रुपये, मुंबईत ८९९.५० रुपये आहे. चेन्नईमध्ये विनाअनुदानित सिलिंडरची किंमत आता ९१५.५० रुपये आहे.
