जळगाव (प्रतिनिधी) भीक मागून उदरनिर्वाह करणाऱ्या एका १२ वर्षाच्या गतीमंद मुलीवर अत्याचार केल्याचा खळबळजनक प्रकार उघडकीस आला आहे. शनीपेठ पोलीसांनी संशयित आरोपीला अटक असून त्याला न्यायालयाने तीन दिवसांची पोलीस कोठडी सुनावली आहे.
जळगाव शहरातील सुभाष चौक परिसरात १२ वर्षाची चिमुकली ही आपल्या परिवारासह वास्तव्याला आहे. चिमुकली ही गतीमंद असून तिच्या नातेवाईकांसमोबत भीक मागून आपला उदरनिर्वाह करत असतात. शुक्रवारी ५ जानेवारी रोजी सकाळी ११ वाजता पिडीत चिमुकली ही सुभाष चौक परिसरात भिक मागत असतांना संशयित आरोपीने पिडीत मुलीला दुचाकी (एमएच १९ ईएच ५४३१) वर बसवून जळगाव भुसावळ महामार्गावरील दुरदर्शन टॉवरजवळील एका शेतात नेवून तिच्यावर अत्याचार केला.
घडलेल्या प्रकारानंतर पिडीत चिमुकलीने हा प्रकार आत्या आणि नातेवाईकांना सांगितला. त्यांनी तातडीने शनीपेठ पोलीस ठाण्यात धाव घेवून तक्रार दिली. त्यानुसार शुक्रवारी ५ जानेवारी रोजी रात्री ११ वाजता संशयित आरोपी विरोधात शनीपेठ पोलीस ठाण्यात गुन्हा दाखल करण्यात आला होता. गुन्हा दाखल झाल्यानंतर पोलीसांनी तपासाची चक्रे फिरविली आणि संशयित आरोपीला रविवारी ७ जानेवारी रोजी मध्यरात्री दीड वाजता त्याच्या घरातून अटक केली. दुपारी १ वाजता संशयिताला जिल्हा न्यायालयाने तीन दिवसांची पोलीस कोठडी सुनावली आहे. पुढील तपास उपविभागीय पोलीस अधिकारी संदीप गावीत हे करीत आहे.
