जळगांव प्रतिनिधी : तालुक्यातील भोकर गावातील मारोती मंदीराजवळ रस्त्याच्या परिस्थितीकडे दुर्लक्ष करीत जाणाऱ्या भरधाव ट्रॅक्टरने समोर चालणाऱ्या कारला धडक दिल्याची घटना ९ जून रोजी घडली होती. यात वाहनाचे मोठे नुकसान झाले होते. याप्रकरणी कानळदा रोडवरील भोकर गावाजवळ घडली. याप्रकरणी ट्रॅक्टर चालकावर जळगाव तालुका पोलिसात गुन्हा दाखल करण्यात आला आहे.
जळगाव शहरातील गिरणा पंपींग रोडवरील श्रीधन नगरात आशिष सुभाष जाधव (वय ४१) हे वास्तव्यास असून ते प्राध्यापक आहेत. ९ जून रोजी सकाळी सव्वादहा वाजेच्या सुमारास जळगाव तालुक्यातील भोकर गावाजवळून जात असतांना गावातील मारुती मंदिराच्या पुढे लाल रंगाच्या ट्रॅक्टरने समोर चालणाऱ्या आशिष जाधव यांच्या (एमएच १९, ईजी ०१०८) क्रमांकाच्या कारला जोरदार धडक दिली. या अपघातात कारचे मोठ्या प्रमाणात नुकसान झाले आहे. याप्रकरणी आशिष जाधव यांनी दिलेल्या तक्रारीवरुन ट्रॅक्टर चालक डिगंबर रविंद्र सोनवणे रा. भोकर ता.जि.जळगाव यांच्याविरुद्ध जळगाव तालुका पोलीस ठाण्यात गुन्हा दाखल करण्यात आला. पुढील तपास पोहेकॉ बापू पाटील हे करीत आहे.
