जामनेर ता. पहूर (प्रतिनिधी) येथून जवळच असलेल्या मादणीच्या एका व्यक्तीची व्यापार वाढविण्यासाठी गुंतवणूकीच्या नावाखाली एकाची ७ लाखात फसवणूक केल्याप्रकरणी दोघांविरुद्ध पहूर पोलीस स्थानकात गुन्हा दाखल करण्यात आला आहे. या संदर्भात वैभव पंडित पाटील (वय ३३ रा. मादणी ता. जामनेर ह.मु. भावदान ता. हवेली जि. पुणे) यांनी फिर्याद दिली आहे.
वैभव पाटील यांनी आपल्या फिर्यादीत म्हटले आहे की, दि २१मे २०१९ रोजी सिनटयाक टुल्स अँड कंम्पोनंट प्रा. लि. कंपनीमध्ये व्यापार वाढविण्यासाठी पैशांची गुंतवणुक करायची होती. त्यामुळे वैभव पाटील यांनी फत्तेपुर येथून आपल्या सेंट्रल बँक ऑफ फत्तेपूरच्या शाखेतून दुपारी एक वाजेच्या सुमारास आरटीजीएस चेकव्दारे सिनटयाक टुल्स ण्ड कंम्पोनंट प्रा.लि. कंपनी शाखा आउंड ता हवेली जि पुणे याच्या बँके खात्यात सात लाख रुपये पाठविले होते. त्यानंतर निलेश तानाजी शेवाळे याने त्याच्या मलकापूर ता.कराड जि. सातारा येथील बँक ऑफ इंडिया शाखेत २ लाख ७० हजार रुपये ट्रॉन्सफर केले. तसेच त्याचे वडील तानाजी गणपती शेवाळे यांच्या कराड येथील पंजाब नॅशनल बँक शाखेतील खात्यावर १ लाख ५० हजार रुपये ट्रॉन्सफर केले. तर २ लाख रुपये बारामती कॉ-ऑपरेटीव बॅकमध्ये ट्रान्सफर केले आहे. असे एकुण ६ लाख २० हजार रुपये हे ट्रान्सफर केलेले असून उर्वरीत ८० हजार रुपये निलेश तानाजी शेवाळे, तानाजी गणपती शेवाळे दोन्ही (रा.येवती ता. कराड, जि सातारा) यांनी काढून घेतले आहेत. याप्रकरणी दोघांविरुद्ध गुन्हा दाखल करण्यात आला असून पुढील तपास पोहेकाँ किरण शिंपी हे करीत आहेत.
