जळगाव (प्रतिनिधी) जवाहर नवोदय विद्यालयातील सहावी व नववीच्या वर्गात प्रवेशासाठी ऑनलाइन प्रवेश प्रक्रियेची सुरुवात झालेली आहे. प्रवेश परीक्षा अर्ज ऑनलाइन पध्दतीनेच भरावयाचे आहेत.
सहावीच्या प्रवेश प्रक्रियेची शेवटची तारीख ३० नोव्हेंबर, २०२१ असून ही परीक्षा शनिवार ३० एप्रिल, २०२२ रोजी होईल. जिल्ह्यातील निर्धारित केलेल्या परीक्षा केंद्रांवर ११.३० ते १.३० या कालावधीत परीक्षा होईल. सदर परीक्षेचे माहिती पत्रक व प्रवेश अर्ज लिंक www.navodaya.gov.in या संकेतस्थळावर उपलब्ध आहे.
नववीच्या प्रवेश प्रक्रियेची शेवटची तारीख ३१ ऑक्टोबर, २०२१ आहे. परीक्षा ९ एप्रिल, २०२२ रोजी जवाहर नवोदय विद्यालय, साकेगाव, ता. भुसावळ येथे निर्धारित केलेल्या परीक्षा केंद्रावर १०.०० ते १२.३० या कालावधीत होईल. या परीक्षेचे माहितीपत्रक व प्रवेश अर्ज लिंक www.navodaya.gov.in किंवा www.nasadmissionclassnine.in या संकेतस्थळावर उपलब्ध आहे.
सर्व संबंधितांनी माहितीपत्रकाचे काळजीपूर्वक वाचन करून यंदा आठवीमध्ये शिकत असलेले सर्व विद्यार्थी या प्रवेश परीक्षेचा ऑनलाइन अर्ज करण्यास पात्र आहेत. जिल्ह्यातील आठवीमध्ये शिकत असलेले विद्यार्थी व संबंधित पालकांनी नोंद घ्यावी, असे जवाहर नवोदय विद्यालयाचे प्राचार्य डॉ. आर. आर. खंडारे यांनी प्रसिध्दीस दिलेल्या शासकीय पत्रकान्वये कळविले आहे. अधिक माहितीसाठी आर. पी. पाण्डेय (8668389523), जी.आर. सरनाईक (8208888537) यांच्याशी सपर्क साधण्याचे आवाहन प्राचार्य खंडारे यांनी केले आहे.
