जळगाव (प्रतिनिधी) शहराच्या जवळच असलेल्या बेळी येथील श्री क्षेत्र कुंडलेश्वर संस्थानाच्या भगवान श्री कुंडलेश्वर तीर्थायात्रा समितीद्वारा आयोध्या धाम येथे दिव्य श्रीराम कथा महोत्सवाचे आयोजन करण्यात आले आहे. काल या महोत्सवास माजी महापौर जयश्रीताई महाजन व कृषी उत्पन्न बाजार समितीचे संचालक सुनिल महाजन यांनी भेट दिली. तसेच यावेळी महाराजांनी ज्ञानेश्वरीची प्रत देऊन त्यांचा सत्कार केला.
यावेळी जयश्रीताई व सुनिल महाजन यांच्या शुभहस्ते आरती करण्यात आली. आरतीला आमदार शिरीषदादा चौधरी यांच्या सुविद्य पत्नी डॉ. अरुणाताई चौधरी, कन्या नेहा चौधरी उपस्थित होत्या. नंतर महाजन दांम्पत्याने कथा वाचक ह. भ. प. भरत महाराज यांचेशी संवाद साधून त्यांचा आशीर्वाद घेतला. समाजाचे भले करा, जनतेची सेवा करा अशी अपेक्षा महाराजांनी यावेळी त्यांच्याकडे व्यक्त केली. ह. भ. प. भरत महाराज यांनी ज्ञानेश्वरीची प्रत देऊन जयश्रीताई व सुनिल महाजन यांचा सत्कार केला. महोत्सवात सहभागी झालेल्या भाविकांशी यावेळी महाजन दांम्पत्यानी संवाद साधला
