जळगाव (प्रतिनिधी) – बालपणाच्या मित्रांसोबत गप्पा मारत असतांना जून्या वादातून रिक्षातून आलेल्या दोघांनी तरुणासोबत वाद घातला. त्यानंतर राहूल खिवलानी याच्यावर धारदार चाकूने छातीवर वार करीत जीवेठार मारण्याच्या उद्देशाने प्राणघातक हल्ला केला. ही घटना दि. २२ जून रोजी रात्री साडेआठ वाजेच्या सुमारास सिंधी कॉलनीतील बाबा नगरच्या कंपाऊंटमध्ये घडली. हल्ला केल्यानंतर संशयित दोघ तेथून पसार झाले. याप्रकरणी एमआयडीसी पोलीस ठाण्यात रात्री उशिरा गुन्हा दाखल करण्यात आला आहे. शहरातील सिंधी कॉलनीतील बाबा नगरात राहुल जयकुमार खिवलानी हा तरुण राहत असून त्याचा बालपणाचा मित्र भारत कुकरेजा, हर्षल वाधवा आणि पियुष बालानी हे चौघे दि. २२ जून रोजी रात्रीच्या सुमारास बाबा नगरच्या कंपाऊंटमध्ये गप्पा मारीत बसले होते. दरम्यान, थोड्या वेळाने महामार्गावरील झुडीओच्या समोरील रस्त्यावर एक रिक्षा थांबली आणि त्यातून सुनिल तडवी आणि सतराज गायकवाड हे दोघ खाली उतरुन गप्पा मारीत असलेल्या तरुणांजवळ येवून थांबले. यावेळी सुनिल तडवी याने राहुलला शिवीगाळ करीत दमदाटी केली.
हल्लेखोरांच्या तावडीतून सुटका करत केले रुग्णालयात दाखल
राहुलवर अचानक प्राणघातक हल्ला झाल्यामुळे तो रक्ताबंबाळ अवस्थेत रस्त्यावर कोसळला. दरम्यान, राहुलच्या मित्रांनी त्याला दोघ हल्लेखोरांच्या तावडीतून सोडवून दुचाकीवरुन तात्काळ जिल्हा शासकीय वैद्यकीय रुग्णालयात दाखल केले. तो पर्यंत हल्लेखोर जून्या वादातून तरुणावर प्राणघातक हल्ला झाल्याचे समजताच त्याच्या नातेवाईकांसह मित्रांनी तात्काळ रुग्णालयात धाव घेतली. घटनेची माहिती मिळताच एमआयडीसी पोलीस ठाण्याचे अधिकारी व कर्मचारी देखील घटनास्थळी दाखल झाले. परंतू जखमी बोलण्याच्या स्थितीत नसल्याने त्याचा मित्र भारत कुकरेजा याने रात्री एमआयडीसी पोलीसात तक्रार दिली. त्यानुसार संशयित सुनिल नियामत तडवी व त्याचा मित्र सतराज गायकवाड या दोघांविरुद्ध गुन्हा दाखल करण्यात आला आहे.
तूझे जिन्दा नही छोडूंगा’ म्हणत केले वार
दोघांमध्ये शाब्दिक वाद सुरु झाल्यानंतर सुनिल तडवी याने क्या रे तू इतना बडा दादा हो गया क्या, असे म्हणत त्याने राहुलच्या कानशिलात लगावली. राहुल खिवलानी याने प्रतिकार केल्यानंतर सतराज गायकवाड याने राहुल याला पकडून ठेवले तर सुनिल याने आज तुझे जिन्दा नही छोडूंगा असे म्हणत कमरेला खोचलेला चाकू काढून त्याने राहुलच्या छातीवर वार केले.
