धरणगाव (प्रतिनिधी) तालुक्यातील पष्टाणे येथे तीन घरे फोडल्याची घटना आज सकाळी उघडकीस आली होती. त्यानंतर तालुक्यातील कल्याणे येथे देखील अज्ञात चोरट्यांनी चार बंद घरे फोडल्याचे समोर आले आहे.
धरणगाव तालुक्यात अज्ञात चोरट्यांनी धुमाकूळ घातल्याचे चित्र आहे. पष्टाणे येथे तीन बंद घरे फोडण्यात आली होती. तर एक किराणा दुकानात चोरीचा प्रयत्न झाला होता. यानंतर आता केल्याणे येथे देखील अज्ञात चोरट्यांनी बंद घरांना लक्ष केले आहे. चोरट्यांनी कल्याणेहोळ गावातील वर्षा होनसिंग पाटील, राजेंद्र भिमसिंग पाटील, विमलबाई जंगलसिंह पाटीलआणि ईश्वर उत्तमसिंग पाटील यांची बंद घरे फोडली. यातील वर्षा पाटील यांच्या घरातून अज्ञात चोरट्याने 12 ग्रॅम सोन्याचे दागिने व 2 हजाराची रोकड तर विमलबाई पाटील यांच्या घरातून 5 हजाराची रोकड आणि चांदीची किरकोळ दागिने, असा ऐवज लंपास केल्याची प्राथमिक माहिती समोर आली आहे. घटनेची माहिती मिळताच पोलीस कॉन्स्टेबल दीपक पाटील हे घटनास्थळी दाखल झाले होते. दरम्यान, एकाच दिवशी धरणगाव तालुक्यात दोन गावांमधील बंद घरांना लक्ष करण्यात आल्यामुळे नागरिकांमध्ये भीतीचे वातावरण पसरले आहे.
