जळगाव (प्रतिनिधी) सेंट तेरेसा स्कूलमधील नववीतील विद्यार्थी कौशिक आनंद बंग याने विशेष आमंत्रित साक्षीदार-जजेस यांच्या समक्ष महेश प्रगती मंडळाच्या सभागृहात एकूण ४० वेगवेगळ्या प्रकारचे रुबिक क्यूब सोडविले आणि तेही विक्रमी वेळेत म्हणजे फक्त २९ मिनिटे २० सेकंदात. यापुढे आता या कार्यक्रमाचा ‘अनकट व्हीडिओ’ व उपस्थित साक्षीदार-जजेस यांचे पॅन कार्ड, आधार कार्ड, सही आणि अभिप्राय हे सर्व ‘युनिक वर्ल्ड रेकॉर्ड’ यांना पाठविण्यात येईल. त्यानुसार ते कौशिक बंग याचे नॉमिनेशन ठरवतील.
‘युनिक वर्ल्ड रेकॉर्ड’ यांच्या नियम व अटीनुसार शहरातील विविध क्षेत्रातील सन्माननीय व्यक्तींना आमंत्रित करुन त्यांच्या उपस्थितीत आणि व्हिडिओ चित्रणानुसार कौशिक आनंद बंगयाने ४० रुबिक क्यूब सोडविले. याप्रसंगी डॉ. महेंद्र मल, डॉ.प्रियंका मल, डॉ.प्राजक्ता जावळे, सीए व्ही.एम.पिंगळे, सीए मयूर धुप्पड, अ‍ॅड. प्रदीप देशमुख, अ‍ॅड.नीलेश बी.रुणवाल,शासकीय अभियांत्रिकी महाविद्यालयातील प्रा.सचिन वाणी, जिल्हा क्रीडा अधिकारी मिलिंद दीक्षित, बाहेती कॉलेजचे स्पोर्ट्स डायरेक्टर सतीश कोगटा, क्रीडा शिक्षक शैलेश जाधव यांची विशेष उपस्थिती होती.
रुबिक क्यूबचा छंद जोपासण्यासाठी कौशिक यास त्याचे वडील आनंद बंग, आई कीर्ती बंग, आजी व आजोबा यांचे नेहमीच प्रोत्साहन असते. या वेळी जळगाव शहर व तालुका माहेश्वरी सभेचे अध्यक्ष योगेश कलंत्री, सचिव विलास काबरा, नंदकिशोर काबरा, गोपाल काबरा, महेश मुंगड, सायली राहुल झंवर यांचे प्रोत्साहन लाभले. सूत्रसंचालन प्रा.बी.जे.लाठी यांनी केले.
