
जळगाव (प्रतिनिधी) – जळगाव शहरापासून हाकेच्या अंतरावर, एमआयडीसी परिसरालगत २५० एकरांपेक्षा अधिक विस्तीर्ण मन्यारखेडा तलाव परिसरात साकारत आहे निसर्गरम्य *”नंदनवन”
हिरवांकुर फाउंडेशन नाशिक, ग्रीनसिटी फाउंडेशन जळगाव, सामाजिक वनीकरण विभाग जळगाव आणि पारख रिअल्टीज लि. जळगाव* यांच्या संयुक्त विद्यमाने सर्व्हे नं. २४०, ‘मेरा घर’ सोसायटीमध्ये भारतीय प्रजातींच्या ३१३१ आयुर्वेदिक वृक्षांसह पक्ष्यांसाठी फळ-फुलांचे जैवविविधतेचे जतन करणारा हरीत प्रकल्प साकारण्यात येत आहे.
या प्रकल्पाचे खास वैशिष्ट्य
१. ऑन ग्राउंड प्रॅक्टिकल सेमिनार*
विद्यार्थी व उपस्थितांसाठी दोन ज्वलंत विषयांवर प्रात्यक्षिकासह सेमिनार –
अ) एक वृक्ष लाखो जीवांना आश्रय! म्हणून नावृक्षारोपण कसे करावे?* – योग्य खड्डा, माती परीक्षण, सेंद्रिय खत, पाणी व्यवस्थापन, संगोपन
ब) रेन वॉटर हार्वेस्टिंग – पावसाचे पाणी अडवावे, जिरवावे, भूजल पातळी वाढवावी याचे प्रात्यक्षिक. घरात, सोसायटीत, शेतात कसे करता येईल, याचे सोपे तंत्रज्ञान तज्ञांकडून.
हा केवळ भाषणाचा कार्यक्रम नसून *शिका आणि करा
अशी कार्यशाळा असणार आहे.
२. पक्ष्यांसाठी हक्काचे “नंदनवन”
करवंद, बोर, उंबर, पेरू, सीताफळ, आंबा, बकुळ, शेवगा, गुलाब, मोगरा, चाफा अशा देशी वृक्षांची पक्षी, मधमाशा, फुलपाखरांसाठी लागवड.
प्रकल्पाचा शुभारंभ
दिनांक : २० नोव्हेंबर २०२६, शुक्रवार
वेळ : सकाळी १०.१५ वाजता
ठिकाण : सर्व्हे नं. २४०, मन्यारखेडा तलाव परिसर, मेरा घर सोसायटी, जळगाव.
कसे पोहोचाल? जळगाव शहरातून कुसुंबाकडे जाताना जळगाव टोल नाक्याच्या समोरून सरळ नंदनवनकडे यावे.
*अडचण आल्यास – ७०६६५०६२७९
चला, नंदनवन फुलवूया… जैवविविधता जपूया… जळगाव हिरवेगार करूया!
दोन चौकटीतील संदेश
चौकट १
जळगाव शहर व जिल्ह्यात नद्या वर्षभर जिवंत वहायच्या. विहिरी, बोरवेलला अगदी ७०,८० फुटावर पाणी असायचे. आज कित्येक ठिकाणी विहिरी रूसल्या आणि बोरवेलने तीनशे ते चारशे फुटाची पातळी गाठली आहे. ही अत्यंत भयानक आणि चिंताजनक स्थिती आहे. यासाठी आजच सर्वांनी जागे होऊन प्रयत्न करायला हवेत.
विजय रा. वाणी
चौकट २
💧 पाणी म्हणजे काय?
पाणी हे असे अमृत आहे, जे माणूस कितीही प्रयत्न केले तरी निर्माण करू शकत नाही. ते केवळ निसर्गाच्या कृपेने पावसाच्या रूपानेच मिळते. म्हणूनच पाणी म्हणजे ईश्वराने आपल्या दारात थेट पोहोचवलेले निःशुल्क अमृत! त्याची निर्मिती आपण करू शकत नाही, पण संवर्धन नक्कीच करू शकतो.
निलयबाबु शाह जैन
निमंत्रक – हिरवांकुर फाउंडेशन नाशिक, ग्रीनसिटी फाउंडेशन जळगाव, सामाजिक वनीकरण विभाग जळगाव व पारख रिअल्टीज लि. जळगाव*
















