भुसावळ (प्रतिनिधी) तालुक्यातून खडके गावातून नाभिक समाजातील कर्तृत्ववान तरुणी माधुरी निवृत्ती वारूळकर हिची असम रायफलमध्ये निवड झाली होती. तिने नुकतेच खडतर प्रशिक्षण पूर्ण करून देशसेवेत रुजू झाली आहे.
माधुरीचे खडके येथील शिक्षण ज्ञानज्योति विद्यालययात प्राथमिक शिक्षण झाले. विशेष म्हणजे माधुरी ही आठवीत असताना वडील वारले होते. तेव्हा पासून तिचे शिक्षण तीच्या आजोबांकडे बाळू लालू येवलकर यांनी केले. तसेच तिला तिचे मामा यांचे वेळोवेळी मार्गदर्शन मिळाले. तिने जिद्द आणि मेहनतीने शिक्षण घेऊन देशसेवत जाण्याचे मनासी ठरवले व असम रायफलमधील अत्यंत खडतर असे जंगल ट्रेनिंग करून ती देश सेवेत रुजू झाली. या बद्दल तिचा स्वागत समारंभ व स्वागत मिरवणूकचे आयोजन खडके गावात करण्यात आले होते.
छत्रपती शिवाजी महाराज यांच्या पुतळ्याचे दर्शन घेऊन मिरवणुकीला सुरुवात झाली. गावातून भुसावळ रोडला लागून असलेल्या डॉ, बाबा साहेब आंबेडकर यांच्या पुतळ्याला पुष्पहार अर्पण करण्यात आला. गणेश कॉलनी, गणपती मंदिर येथे दर्शन घेऊन घरी मिरवणुकीची सांगता झाली. तेथे स्वागत समारंभ करण्यात आला. यावेळी परिवारातील सर्व मंडळी तसेच ग्रामस्थ उपस्तिथ होते. मिरवणूक मार्गाने माता भगिनी यांनी माधुरीचे औक्षण केले. खडका गाव DJ देशभक्ती गाण्याने तसेच फटाक्याच्या आतीस बाजीने तसेच ‘भारत माता की जय’, या घोषणेने दुमदुमून गेले होते. हे सर्व पाहून माधुरीच्या आजी-आजोबा , आई, भाऊ-वहिनी मामा-मामी यांचे मन गहिवरून आले होते.
