अमळनेर (प्रतिनिधी) कोरोना प्रादूर्भावामुळे अमळनेर तालुका राजपुत एकता मंचतर्फे हिंदुसूर्य वीर शिरोमणी महाराणा प्रतापसिंह यांची जयंती अमळनेरात शासकीय नियम पाळून कोणतीही गर्दी न करता नुकतीच साधेपणाने साजरी करण्यात आली.
धुळे रोडवरील महाराणा प्रताप चौकातील स्मारकावर मोजक्या समाजबांधवांनी एकत्र येऊन राणा प्रतापांच्या प्रतिमेस माल्यार्पण व पूजन करून केले. प्रामुख्याने अमळनेर येथील खान्देश शिक्षण मंडळाचे कार्याध्यक्ष जितेंद्र जैन व अमळनेर न प चे आरोग्य सभापती घनश्याम पाटील यांच्या हस्ते माल्यार्पण करण्यात आले. यावेळी राजपूत एकता मंचचे अध्यक्ष रणजित भीमसिंग पाटील, नरेंद्रसिंग ठाकूर, अनिल भीमसिंग पाटील, राजुसिंग परदेशी, चेतन राजपूत, विलास पाटील, गुलाबसींग पाटील, जयराम पाटील, मुरली बितराई, सुरजसिंग परदेशी, माजी सैनिक राजेंद्र यादव, रोहन राजपूत, मुकेश परदेशी, योगेश राजपूत, हर्षल ठाकूर, सावन राजपूत, कुलदीप पाटील यासह समाजबांधव व तरुण कार्यकर्ते उपस्थित होते.
यावेळी राजपुत एकता मंचचे सक्रिय पदाधिकारी तथा सोसायटीचे गटसचिव, खोकरपाट येथील स्व.प्रविण सुभाषसिंह पाटील यांचे नुकतेच निधन झाल्याने त्यांच्या आठवणींना उजाळा देऊन समस्त राजपूत एकता मंचतर्फे त्यांना व सर्व दिवगंताना श्रद्धांजली अर्पण करण्यात आली. यावेळी सर्वांनी मास्क व सुरक्षित अंतराच्या नियमांचे पालन केले. दरम्यान शहर व ग्रामीण भागात विविध ठिकाणी देखील याचपद्धतीने राणा प्रताप यांचे प्रतिमापूजन करून साधेपणाने जयंती साजरी करण्यात आली.
