मुंबई (वृत्तसंस्था) मकरसंक्रांतीच्या दिवशी सूर्य मकर राशीत प्रवेश करतो. या दिवशी सूर्यदेवाची पूजा केली जाते. धार्मिक ग्रंस्थानुसार मकरसंक्रांतीच्या (Makar Sankranti 2022) काळात सूर्यदेव आपला पुत्र शनिदेवाची भेट घेतात. मकरसंक्रांतीलाच शुक्राचा उदय देखील होतो. त्यामुळे मकरसंक्रांतीपासून (Kadhi Ahe Makar Sankranti 2022) सर्व शुभ कार्य सुरू होतात. जाणून घेऊया कधी आहे मकर संक्रांत, शुभ मुहूर्त आणि या दिवशी काय करावे.
मकर संक्रांतीचा मुहूर्त
१४ जानेवारी पुण्यकाळ मुहूर्त – दुपारी २:१२ ते ५:४५ पर्यंत
महापुण्य काल मुहूर्त – पहाटे २.१२ ते दुपारी २:३६ पर्यंत (एकूण २४ मिनिटे कालावधी)
दान करणे चांगले
मकर संक्रांतीचा सण उत्तरायण म्हणूनही ओळखला जातो. या दिवशी गंगास्नान, उपवास, कथा, दान आणि भगवान सूर्यदेवाची उपासना यांना विशेष महत्त्व आहे. या दिवशी केलेल्या दानाचे फळ इतर दिवशी केलेल्या दानापेक्षा अनेक पटीने जास्त असते. पंजाब, उत्तर प्रदेश, बिहार आणि तामिळनाडूमध्ये मकर संक्रांती ही नवीन पीक काढण्याची वेळ आहे. अशा परिस्थितीत शेतकरी कृतज्ञता दिन साजरा करतात. तीळ आणि गुळापासून बनवलेल्या मिठाईचे वाटपही या दिवशी केले जाते. याशिवाय अनेक ठिकाणी पतंग उडवण्याचीही परंपरा आहे.
काय आहे मकर संक्रांतीचे महत्व
तसे, हिंदू धर्मात प्रत्येक सणाचे स्वतःचे महत्त्व आहे. असाच काहीसा मकर संक्रांतीचा दिवस. मकर संक्रांतीच्या दिवशी गंगा-यमुना सारख्या पवित्र नद्यांमध्ये स्नान केल्याने मोक्ष प्राप्त होतो, असे मानले जाते. या दिवशी तीळ-गुळ, तांदूळ-मसूर खिचडी इत्यादी दान करणे शुभ मानले जाते. अनेक ठिकाणी या दिवशी पतंग उडवण्याचीही परंपरा आहे. सूर्याच्या मकर राशीत प्रवेश करताना सूर्यदेवाची पूजा करणे खूप शुभ मानले जाते. यामुळे माणसाच्या जीवनात अनेक सुखद बदलही घडतात.
