बोदवड (प्रतिनिधी) माझ्यासोबत प्रेम कर नाही तर मी विष घेईल, म्हणत तरुणीचा सतत पाठलाग करून विनयभंग केल्याप्रकरणी बोदवड पोलिसात एकाविरुद्ध गुन्हा दाखल करण्यात आला आहे.
या संदर्भात २७ वर्षीय पिडीत तरुणीने दिलेल्या फिर्यादीत म्हटले आहे की, मोहन सुनील मुंढे याने पिडीतेचा वाईट उद्देशाने पाठलाग करुन तिच्या मनास लज्जा उत्पन्न होईल असे कृत्य केले. पिडीतेला ईशारा करुन हातवारे केले आणि थांब आपण कुठेतरी बाहेर जाऊ असे सांगितले. एवढेच नव्हे तर तू माझे सोबत प्रेम केले नाहीतर मी विष घेऊन जाईल व तुझे नाव घेईल अशी धमकी दिली. या प्रकरणी गुन्हा दाखल करण्यात आला असून पुढील तपास पो.ना. शशिकांत शिंदे हे करीत आहेत.
