जळगाव (प्रतिनिधी) नशिराबाद येथे शिवसेना व युवासेनेच्या शाखेतर्फे शिवसेनेचे शहरप्रमुख विकासभाऊ धनगर यांच्या वाढदिवसानिमित्त बुधवारपासून मतदार नोंदणी अभियान राबविण्यात येत आहे. मतदार नोंदणी अभियान गुरुवारपर्यंत (१४ ऑक्टोबर) सुरू राहील.
अभियानाचा प्रारंभ नशिराबाद येथील बसस्थानकाजवळील शिवसेना कार्यालयात झाला. याप्रसंगी माजी सरपंच विकास पाटील, शिवसेनेचे शहरप्रमुख विकास धनगर, शिवसेनेचे तालुकाप्रमुख दगडू माळी, चंदू भोळे, युवासेनेचे शाखाप्रमुख चेतन बर्हाटे, संदीप पाटील, भूषण कोल्हे, कैलास नेरकर, विनायक धर्माधिकारी, बंडू रत्नपारखे, प्रभाकर महाजन, उल्हास चौधरी आदी शिवसेना व युवासेनेचे कार्यकर्ते उपस्थित होते.
मतदार नोंदणीसाठी पासपोर्ट आकारातील छायाचित्र, ओळखपत्रासाठी पॅनकार्ड, जन्माचा दाखला, आधार कार्ड, वाहन परवाना, तसेच रहिवासी पुराव्यासाठी शिधापत्रिका, वीजबिल, मालमत्ता कर पावती, बँक पासबुक, गॅस पुस्तिका, दूरध्वनी बिल यांपैकी एक हवे. नवविवाहित महिलांसाठी लग्नपत्रिका, विवाह नोंदणी दाखल यांपैकी एक आवश्यक राहील. ग्रामस्थांनी मतदार नोंदणी करून घ्यावी, असे आवाहन करण्यात आले.
