जळगाव (प्रतिनिधी) शहरातील सुप्रीम कॉलनीतील माहेर असलेल्या विवाहितेचा छळ करणाऱ्या पतीसह सासरच्या तिघांविरुद्ध एमआयडीसी पोलिस ठाण्यात गुन्हा दाखल करण्यात आला आहे. दुचाकीस घेण्यासाठी माहेरून एक लाख रुपये आणावेत म्हणून विवाहितेचा शारीरिक व मानसिक छळ केला.
पोलिसांनी दिलेल्या माहितीनुसार, अंजली पवार यांचा गुजरात राज्यातील सेलवास येथील आकाश दिलीप पवार यांच्याशी २४ एप्रिल २०१९ मध्ये विवाह झाला होता. लग्नास दोन महिने उलटल्यानंतर नवीन दुचाकी घेण्यासाठी अंजलीने माहेरून एक लाख रुपये आणावेत या कारणावरून पतीसह सासरच्यांनी वेळोवेळी अंजली हिचा मारहाण तसेच शिवीगाळ करत शारीरिक व मानसिक छळ केला. छळाला कंटाळून अंजली या माहेरी निघून आल्यात. याप्रकरणी त्यांनी दिलेल्या तक्रारीवरून सोमवार ७ फेब्रुवारी रोजी पती आकाश दिलीप पवार, सासरे दिलीप मांगीलाल पवार व सासू जुगरीर्बा दिलीप पवार (तिघे रा. सेलवास गुजरात) यांच्याविरोधात एमआयडीसी पोलिसात गुन्हा दाखल झाला आहे. पुढील तपास पोलिस हेड कॉन्स्टेबल संजय धनगर हे करीत आहेत.
