जळगाव (प्रतिनिधी) – गेल्या आठवड्यात मीरा-भाईंदर पोलिसांनी जळगावातून पाच किलो एमडी ड्रग्ज जप्त केले होते. या कारवाईचे धागेदोरे हे आंतराष्ट्रीय स्तरापर्यंत पोहचले असून त्यानुसार पोलिसांकडून ड्रग्ज माफिया असलेल्या किंगपीनचा कसून शोध घेतला जात आहे. तसेच जळगावात पकडलेले ड्रग्जची जळगावसह इतर तीन जिल्ह्यांमध्ये न अर्धा आणि एक किलोच्या पॅकींग करुन त्याचा पुरवठा केला जाणार व होता, मात्र त्यापुर्वीच पोलिसांनी त्यांना अटक केल्याचे पोलिसांच्या चौकशीत उघड झाले आहे.
मीरा-भाईंदर, वसई विरार न गुन्हे शाख प्रकटीकरण शाखा कक्ष-४ च्या पथकाचे पोलिस निरीक्षक प्रमोद बडाख, उमेश भागवत यांनी एलसीबीचे पोलिस निरीक्षक राहुल गायकवाड यांच्या मदतीने जळगावातील उस्मानिया पार्क परिसरातून ४ किलो ९११ ग्रॅम एमडीचा साठा जप्त केला होता. जळगावात हा साठा सापडण्यापूर्वी आणि त्यानंतर नंतर पथकाने ठिकठिकाणी छापे टाकून कारवाई केली. या कारवाईमध्ये जळगावातील रहीम ताहेर पिंजारी (वय २८, रा. मेहरुण), सय्यद मुशाइद अली मुमताज अली (वय ३९, रा. उस्मानिया पार्क) या दोघांसह नालासोपारा, मुंबई, कल्याण, नेरळ, जळगाव, गुजरात, उत्तरप्रदेश येथून एकूण २१ जणांचा समावेश आहे.
ड्रग्जतस्करांचा शोध सुरु
जिल्ह्यात पहिल्यांदाच पाच किलो ड्रग्जचा साठा जप्त करण्यात आला आहे. या कारवाईमुळे पोलीस दलासह सर्वच यंत्रणा सतर्क झाल्या आहे. जिल्ह्यात इतक्या मोठ्या प्रमाणात ड्रग्ज तस्करीसाठी येत असल्यामुळे पोलिसांकडून ड्रग्जचा पुरवठा करणाऱ्यांचा कसून शोध घेतला जात आहे.
ड्रग्जचे धुळे, मालेगाव, बुलढाणा कनेक्शन
पोलिसांनी जळगावात जप्त केलेला ४ किलो ९११ ग्रॅम एमडीच्या साठ्यातून एक किलो, अर्धा किलो असा वेगवेगळ्या वजनाचे पॅकींग करुन त्याची जळगावसह बुलढाणा, नाशिक जिल्ह्यातील मालेगाव आणि धुळे या जिल्ह्यांमध्ये त्याची तस्करी केली जाणार होती. मात्र त्यापुर्वीच तो साठा पोलिसांनी जप्त केल्यामुळे जिल्ह्यातील ड्रग्जचे नेटवर्क उद्धवस्थ झाले आहे.
