जळगाव (प्रतिनिधी) महाराष्ट्राचे वैभव असलेल्या पूज्य साने गुरुजी यांची आज पुण्यतिथी आहे. या दिनाचे औचित्य साधून आज रोटरी क्लब जळगाव मीडटाऊनतर्फे कचरा वेचणाऱ्या मुलांच्या शाळेला लायब्ररीसाठी १२५ पुस्तकांचे वाटप करण्यात आले.
यात मुख्यता प्रेरणादायीकथा, गाणी, गोष्टी व शैक्षणिक पुस्तके देण्यात आली. वर्धिष्णू या संस्थेतर्फे ही शाळा चालवली जाते. या उपक्रमास आर्थिक योगदान शेखर प्रभुदेसाई, डॉ. अपर्णा मकासरे, डॉ. रवी महाजन यांनी केले. वर्धिष्णू या संस्थेचे अध्यक्ष अद्वैत दंडवते व प्रणाली दंडवते यांनी या उपक्रमाबद्दल सर्व दात्यांचे व क्लबचे देखील आभार मानले. या कार्यक्रमास डॉ. अपर्णा मकासरे, अनिल एम अग्रवाल, शंकर भाई पटेल, डॉ. विवेक वडजी कर, तारीख शेख, अनिल डी अग्रवाल, सचिव शशी अग्रवाल, अध्यक्ष डॉ. रेखा महाजन आदी सदस्यांची उपस्थिती होती. प्रकल्पप्रमुख अनिल एम अग्रवाल यांनी देखील सर्व दात्यांचे व उपस्थितांचे आभार मानले.
