जळगाव (प्रतिनिधी) बीएचआर घोटाळ्यातील संशयित आरोपी धरम सांखलाच्या जामीन अर्ज न्यायालयाने आज फेटाळून लावला आहे. दरम्यान, याआधी सीए महावीर जैन, सुजित वाणी आणि विवेक ठाकरेचा जामीन अर्ज देखील न्यायालयाने फेटाळून लावला होता.
सीए महावीर जैन जामीन अर्ज न्यायालयाने २२ जानेवारीला फेटाळून लावला होता. दुसरीकडे डेक्कनच्या गुन्ह्यात सुजित वाणीच्या, विवेक ठाकरे आणि धरम संखालाच्या जामीन अर्जावर न्यायालय दि. २७ (बुधवार) निकाल देण्याची शक्यता होती. परंतू काही कारणास्तव जामीन अर्जावर निर्णय आला नव्हता. परंतू त्यानंतर गुरुवारी न्यायालययाने ठाकरे आणि वाणीचा जामीन अर्ज नाकारला होता. त्यानंतर आज (शुक्रवार) संशयित आरोपी धरम सांखलाच्या जामीन अर्ज न्यायालयाने फेटाळून लावला. या प्रकरणी पुण्यातील विषेश न्यायाधिश एस. एस. गोसावी यांच्या न्यायालयात या सुनावणी सुरू आहेत. आरोपींकडून अॅड. उमेश रघुवंशी हे कामकाज पाहत आहेत. तर सरकारपक्षाकडून अॅड. प्रवीण चव्हाण हे कामकाज बघत आहेत. दरम्यान, फिर्याद रद्द व्हावी, यासाठी सीए महावीर जैन हायकोर्टात गेले होते. परंतू त्यावरही अद्याप सुनवाई सुरु झाली नसल्याचे कळते.
