जळगाव (प्रतिनिधी) नाविन्यपूर्ण योजना २०२३ – २४ साठी जळगाव शहरातील विविध भागात खासदार निधीतून बाकडे देण्याच्या प्रस्तावाला महापालिकेने मंजुरी देवून एक बाकडा ३३०० रुपयांना पडत असताना देखील ८१०० रुपयात खरेदी दाखविण्यात आली असून रात ५२० बाकडे खरेदीमध्ये २५ लाखांचा अपहार करण्यात आल्याचा आरोप नगरसेवक प्रशांत नाईक यांनी महासभेत केला.
जळगाव शहरातील रस्त्यांची दुर्दशा झालेली आहे. मात्र, रस्ते दुरुस्ती करण्याऐवजी शहरातील विविध भागात बाकडे खरेदी करण्याचा घाट रचला गेला. महापालिका हद्दीत खासदार उन्मेश पाटील यांच्या निधीतून ५२० बाकडे खरेदी केले जात आहेत. महासभेत मान्यतेसाठी आलेल्या या प्रस्तावानुसार एका बाकड्याची किमंत ८ हजार १०० रुपये इतकी दाखविण्यात आली आहे.
त्यानुसार ४२ लाख रुपयात हे बाकडे खरेदी केले जाणार महापालिका ज्या फर्मकडून हे बाकडे घेतले जाणार आहेत. मात्र, ज्या दुकानदाराकडून खरेदी करण्यात आली त्याच दुकानामध्ये जीएसटी, वाहतूक भाडे, ङ्गिटींग, मजुरी आदींसह एका बाकड्यासाठी ३३०० रुपये प्रमाणे बिले आहे. अशी ५२० बाकड्यांसाठी जीएसटीसह १६ लाख ५० हजार रुपयांमध्ये खरेदी झाली असती. परंतु, यात २५ लाखांचा भ्रष्टाचार झालेला आहे, असा आरोप नगरसेवक प्रशांत नाईक यांनी महासभेत करुन या घटनेचा निषेध करण्यात आला.
