जळगाव (प्रतिनिधी) “नरेंद्र मोदी यांनी जे वक्तव्य केलं त्याचा अर्थ मलाही अद्याप समजलेला नाही. कदाचित भविष्यातील ती नांदी असावी, असे वक्तव्य आमदार एकनाथराव खडसे यांनी नुकतेच केले आहे.
पंतप्रधान नरेंद्र मोदी यांनी काही दिवसांपूर्वी नंदुरबारमध्ये झालेल्या महायुतीच्या सभेत बोलताना राष्ट्रवादी काँग्रेस शरदचंद्र पवार पक्षाचे अध्यक्ष शरद पवार आणि उद्धव ठाकरे यांना एनडीएमध्ये येण्याची ऑफर दिली होती. यावर खडसे म्हणाले, “नरेंद्र मोदी यांनी जे वक्तव्य केलं त्याचा अर्थ मलाही अद्याप समजलेला नाही. कदाचित भविष्यातील ती नांदी असावी. कारण त्यांनी जे विधान केलं ते जबाबदारीने केलेलं आहे. त्यांच्या या विधानामध्ये पुढची रणनीती ठरवण्याचा उद्धेश असावा”, अशी सूचक प्रतिक्रिया खडसेंनी दिली.
