पहूर ता. जामनेर (प्रतिनिधी) शौचास रस्त्याने जात असतांना एकाने रस्ता अडवून ३३ वर्षीय महिलेचा विनयभंग केल्याची घटना घडली आहे. याप्रकरणी चौघांविरुद्ध गुन्हा दाखल करण्यात आला आहे.
पिडीतेने पोलिसात दिलेल्या फिर्यादीत म्हटले आहे की, १० जुलै रोजी पिडीता ग्रामपंचायतीच्या सार्वजनिक शौचालयामध्ये शौचास रस्त्याने जात असतांना गावातील सचिन सुदाम लोखंडे हा मोटरसायकचा हॉर्न वाजवून रस्ता अडवला. तसेच हात पकडुन मनास लज्जा उत्पन्न होईल असे कृत्य केले. यानंतर पिडीतेला धमकी कोणाला काही सांगितले तर तुला उचलुन घेवुन जाईल व जिवे ठार मारेल अशी धमकी दिली. त्यानंतर पिडीतेने सचिन लोखंडी याचा भाऊ जितेंद्र सुदाम लोखंडे, संजय सुदाम लोखंडे, आई सुसाबाई सुदाम लोखंडे अशांना झालेल्या प्रकार सांगितला आणि सचिन यास समजविण्यास सांगितले. परंतू त्यांनी उलट पिडीतेला चापटा, बुक्कयांनी मारहाण करत अश्लील शिवीगाळ केली. याप्रकरणी गुन्हा दाखल करण्यात आला असून पुढील तपास पोनाकॉ किरण शिंपी हे करीत आहेत.
