धरणगाव (प्रतिनिधी) एका १६ वर्षीय अल्पवयीन मुलीचा विनयभंग केल्याप्रकरणी धरणगाव पोलिसात दोघांविरुद्ध गुन्हा दाखल करण्यात आला आहे.
या संदर्भात पिडीत मुलीने दिलेल्या फिर्यादीत म्हटले आहे की, १५ एप्रिल रोजी सायंकाळी सव्वा सहा वाजेच्या सुमारास शहरातील एका ठिकाणी समाधान संतोष जाधव (वय ३५, भाटीया गल्ली, धरणगाव) हा पिडीतेचा पाठलाग करुन तू माझ्याशी बोलण्या चालण्याचे संबध ठेव असे बोलला. त्यावर पिडीतेने मी तुझ्याशी कशाला बोलू व तू पण माझ्याशी बोलुन नको असे बोलली. याचा राग आल्याने समाधान याने पिडीतेचे हात आणि केस पकडून चापटाबुक्कयांनी मारहान केली, एवढेच नव्हे तर त्याच्या घरापर्यंत घेऊन गेला. तसेच समाधानच्या नातेवाईक महिलेने देखील पिडीतेस केस पकडून चापटाबुक्यांनी मारहान करुन शिवीगाळ केली. या प्रकरणी दोघांविरुद्ध पोस्कोसह विविध कलमान्वये गुन्हा दाखल करण्यात आला असून पुढील तपास परि. पो. उपनिरीक्षक संतोष पवार हे करीत आहेत.
